Bratislava

Wikipedia, erkin enciklopediya

BratislavaSlovakiya Respublikasınıń paytaxtı, Avstriya hám Vengriya shegarasına jaqın jaylasqan. Mámlekettiń iri ekonomikalıq hám mádeniy orayı. Xalqı sanı 452 mıń adam (1997). B. 10-a. baslarında Ullı Moraviya knyazlıǵındaǵı qala spatında tilge alınadı. Bul knyazlıqdı vengerler jáksan etkenen soń (907), B. Pojon atı menen Vengriyaǵa qosıldı. Worta asirlerde bolsa nemisler qolına ótip, Presburg dep atalǵan. 1536 jılda gabsburglardıń Vengriyadaǵı orayına aylandı. 1541—1784 jıllarda B. Vengriya patshallıǵı paytaxtı. XVIII ásir aqırınan Slovakiya milliy azatlıq háreketleri orayı bolǵan. 1918-jılda Chexoslovakiya dúzilgennen soń, Slovakiya Respublikasınıń, 1992-jıldan ǵárezsiz Slovakiya Respublikası paytaxtı.

Bratislava transport jolları túyini. Dunay boyındaǵı iri portlardan biri. Mashinasazlıq hám stanoksazlıq, elektrotexnika, aǵashsazlıq, toqımashılıq, azıq-awqat, poligrafiya, qurılıs materialları hám basqa sanaat túrleri rawajlanǵan. Ximiya hám neft ximiyası sanaatınıń orayı. Slovakiya FA (1953), Slovakiya muzeyi, universitet, politexnika inistitutı, ekonomika, teatr inistitutları bar. Arxitekturalıq esteliklerden gotika usılındaǵı sobor (1221), Mixaylov dárwazası (XIV—XVIII ásirler) hám b. saqlanǵan.

Ádebiyatlar[redaktorlaw | derekti jańalaw]

  • ÓzME. Birinshi tom. Tashkent, 2000-jıl
  • Большое Собетская енциклопедия