Edinburg

Wikipedia, erkin enciklopediya
Edinburg

EdinburgUllı Britaniyadaǵı qala, FertofFort qoltıǵı qurǵaǵında jaylasqan. Shotlandiyanıń bas qalası, Lotian rayonınıń administrativlik orayı. Xalqınıń sanı 380,5 mıń adam (2001). Transport jollarınıń iri orayı. Áhmiyetli mádeniyat hám sanaat orayı. Qaǵaz, poligrafiya, azıq-awqat (máselen, pivo pisiriw hám viski islep shıǵarıw), mashinasazlıq (medicina ásbapların islep shıǵarıw, priborsazlıq, elektrotexnika, radioelektronika), ximiya (farmacevtika, islep shıǵarıw) kárxanaları bar. Universitet (XVI ásirden), Shotlandiya akademiyası, rasadxana, Shotlandiya Korollik muzeyi, Milliy muzey, Milliy galereya, Edinburg municipiallıq muzeyi hám basqalar bar. Qala VI ásirde qurılǵan. XV ásirden Shotlandiya paytaxtı. Arxitekturalıq esteliklerden Patsha kóshkisi (XI—XVI ásirler), Shotlandiya patshaları sarayı (1128-jıl) hám basqalar, XI—XIX ásirlerde qurılǵan imaratlar saqlanǵan.

Wikimedia Commonsta
Edinburg boyınsha fayllar bar.