Maǵlıwmatlar bazasın basqarıw sistemaları

Wikipedia, erkin enciklopediya

Maǵlıwmatlar bazasın basqarıw sistemaları (MBBS) - maǵlıwmatlar bazasın dúziw, olarǵa qosımsha maǵlıwmatlardı kiritiw hám bir maǵlıwmatlar bazasınan paydalanıw ushın ayrıqsha maǵlıwmatlar bazalar menen isleytuǵın programmalar zárúr boladı.

Bunday programmalar jıyındısı maǵlıwmatlar bazasın basqarıw sistemaları (MBBS) dep aytıladı. Basqasha aytqanda, MBBS - bul kóp paydalanıwshılar tárepinen maǵlıwmatlar bazasın jaratıw, oǵan qosımsha maǵlıwmatlardı kiritiw hám maǵlıwmatlar bazasın birgelikte isletiw ushın zárúr bolǵan programmalar jıyındısı boladı. MBBS nıń tiykarǵı quramınıń bir bólegi - maǵlıwmatlar bolsa, basqa bólegi - paydalanıwshılar boladı. Bulardan basqa hardware - texnikalıq hám software - programmalıq támiyinlew MBBS nıń nátiyjeli islewin támiynlewshi quramınıń bólekleri esaplanadı. Hardware sırtqı qosımsha qurılmadan tursa, programma bólegi bolsa maǵlıwmatlar bazası menen paydalanıwshı arasındaǵı dialogtı ámelge asıradı. Maǵlıwmatlar bazasınıń dúzilisi úyreniletuǵın obekttiń maǵlıwmatlarınıń kórinisi, mánisi, dúzilisi hám kólemine baylanıslı boladı.

Ádette, paydalanıwshılar tómendegi, kategoriyalarǵa bólinedi:

  • paydalanıwshı-programma dúziwshi;
  • sistemalı programma dúziwshi;
  • maǵlıwmatlar bazası administratorı.

Bunda programma dúzgen paydalanıwshı MBBS ushın jazǵan programmaǵa juwap beredi, sistemalı programma dúziwshi bolsa pútin sistemanıń islewi ushın juwapker esaplanadı. Maǵlıwmatlar bazası administratorı sistemanıń saqlanıw jaǵdayına hám isenimliligine juwap beredi.