Muxabbatqa baylanıslı qosıqlar

Muxabbatqa baylanıslı qosıqlar - Qaraqalpaq xalıq qosıqlarının' basım ko'pshiligi adamlardın' muxabbat sezimlerine arnalg'an qosıqlar quraydı.

Jaslar o'zinin' jaqsı ko'rgen, su'ygen qızlarına, qızlar jaqsı ko'rgen jigitlerine arnap qosıqlar do'retken. Bul qosıqlar burınnan do'retilip aytılıp keldi. Jan'adan do'rey beredi. Muxabbatqa arnalg'an qosıqlarda jaslardın' ıshqı muxabbatın, qosılıw haqqında oyları, ayralıq, opadarlıq, opasızlıq, qıyanet haqqında da pikirler boldı. Muxabbatqa arnalg'an xalıq qosıqlarında ba'rinen de burın en' sulıw, en' taza, en' teren' muxabbatqa ma'ngi bolıw so'z etiledi.

XIX a'sirdin' aqırında N.Da'wqaraevtın' ko'rsetiwinen, Xorezm xalıq poeziyasının' ta'sirinde qaraqalpaqlar arasında muxabbatqa arnalg'an ba'ytler ken' taraldı. Sonın' menen birge xalıq arasında ashıq temasında arnalg'an jan'a ba'ytler do'redi:

Go'zzalım ha' go'zzalım,
Yu'rın' baa'da go'zzalım,
Bag'ın'ızg'a suw tu'shipti,
O'rdek bolıp yu'zzellim t.b.

Sonday-aq aldıma nege tez-tez kelmeysen' dep o'kpelegen qızg'a juwap:

Ko'k kene kepter emespen,
Ku'nde-ku'nde kelmegen,
Ayda, jılda bir kelippen
Aq ju'zindi ko'rmege