Operativ esap

Operativ esap – islep shıǵarıwdıń ayırım bólimlerinde júz berip atırǵan xojalıq process hám xojalıq aylanısı haqqında zárúr maǵlıwmatlardı tez jetkerip beriwge qaratılǵan baqlaw hám qadaǵalaw usılı bolıp tabıladı. Xojalıq operaciyaların ámelge asırıwda bul esap járdeminde rejelestirilgen kórsetkishler haqıyqatında erisilgen kórsetkishler menen hám san hám sapa jaǵınan salıstıradı hám alınǵan maǵlıwmatlardan kárxana yamasa bólimler háreketin basqarıwda paydalanıladı. Operativ esaptıń qásiyetleriniń biri sonnan ibarat onda xojalıq operaciyası tuwrısındaǵı maǵlıwmatlar tezlik penen dizimge alınadı hám tiyisli jerge jetkiziledi. Bunday maǵlıwmatlardan belgili kárxanalarda xojalıq operaciyası, sonday-aq barlıq xalıq xojalıǵına operativ basshılıq qılıw ushın paydalanıladı. Operativ esapta barlıq ólshemler – natural, miynet hám pul ólshemlerinen keń paydalanıladı.