PTA turı qısqa tariyxı

Wikipedia, erkin enciklopediya

Tennisshilerdin' xalıq aralıq tennis federatsiyasına ha'm tur direktorlarına qatnası 1968 jılı shiyelenise basladı. Sebebi qızıg'ıwshı tennisshiler turniri tek g'ana "professional" tennisshiler ushın ashıq edi.

1965-jılı du'zilgen tennis professionallarının' xalıq aralıq assotsiyatsiyası is barısı tennis professional sportshılarının' pikiri boyınsha olardın' talap ikramları iske aspay ha'mde byurakratiyalıq strukturag'a aylanıp ketkenligin ko'rsetti.

Tennis professionallarının' birden-bir talabı prizli bahalardı ko'beytiw edi, biraq tennisshi a'meldarlarının' sportshılarg'a mensinbewshilik ko'z qarasları sebepli bul a'melge aspadı.

Sol ushında 1972-jılı professional tennisshiler assotsiatsiyası du'zildi ha'm bug'an basshılıqtı oyınshılardın' o'zleri o'z qolına aldı. Professional tennisshiler assotsiatsiyasının' birinshi prezidenti bolıp belgili professional Kliff Drisdeyl saylandı. Professional tennis assotsiatsiyası menen xalıq aralıq tennis federatsiyası qarım-qatnas jumısları xalıq-aralıq oyınshılar ken'esi arqalı du'zilip bardı.

Du'nyag'a tanılg'an jekke adamlar Born Borg, Djon Makinroy, Djimmi Konnors ha'm İvan Lendler arqasında erler tennisi sponsorlardı ha'm televedenienı o'z dıqqatlarına qaratıp turnirlerdi sho'lkemlestiriwshilerge joqarı tabıslar keltire basladı. Bul xalıq aralıq oyınlar ken'esi 1973-jılı du'zilip, 80 jıllar aqırına kelip sportshılar tennis biznesin basqarıwda ten'dey huqıqqa iye bolıwların ha'm tabıslardı ten'dey bo'listiriwlerin talap etiwleri hesh kimge tan' qalarlıq na'rse emesliklerin atap ko'rsetti. AQShtın' ashıq chempionatında XATFsı menen o'z-ara tu'sinbewshilikleri arasında tennisshiler 1989 jılı press-konferentsiya o'tkizip professional tennisshiler assotsiatsiyası o'zlerinin' derlik turdı sho'lkemlestiriwin dag'azalap ko'rsetti ha'm erler tennisinin' tariyxında en' baslı sho'lkem bolıp qaldı. Amerikalıq korporatsiya IBM 1990-jılı 1-yanvardan baslap PTA sı turının' titullı sponsorı bolıp start aldı. Ha'zirgi waqıtqa deyin PTA turı altı kontinentte 30 dan aslam ma'mleketlerde 77 turnirlerdi qosıp turıptı.