Qarız minnetlemesi

Wikipedia, erkin enciklopediya

Qarız minnetlemesı degende kapitalǵa menshik huqıqın bermeytuǵın, biraq emitentke qarızǵa berilgen finans resursları ushın aqsha qarjılardıń belgili summasın tólew haqqında oǵan belgili minnetleme júkleytuǵın kapitaldı tartıw deregi túsiniledi. Qarız minnetlemesi – bul onıń iyesine tiyisli nızamlastırılǵan, girew minnetlemesin bergen kárxananıń xojalıq xızmeti esabınan belgili dáramat alıw maqsetinde aqsha qarjıları yamasa múlkti qoyǵanın dáliyleytuǵın hújjet (sertifikat, shártnama hám t.b.). Qarız minnetlemesi bazar qatnasıqları subektiniń múlklik jaǵdayı menen baylanısqan. Qarız minnetlemesin shıǵarǵan hám sońın ala xızmet kórsetken tárep (shaxs) emitent dep ataladı. Kópshilik jaǵdayda emitent penen qarız minnetlemesin saqlawshı arasında kontrakt (shártnama) dúziledi, onda qarız minnetlemesin saqlawshınıń huqıqları hám emitenttiń minnetleri kelisilgen boladı. Qarız minnetlemesiniń payda bolıw zárúrligi bazar qatnasıqlarınıń xojalıq júrgiziwshi subektiniń finans jaǵdayı, investitsiyalarǵa talabın boljaw hám iyeleytuǵın finans pozitsiyası tiykarında emitent tárepinen belgilenedi.