Televiziyalıq esap
 | Bul maqalada derekler kórsetilmegen. |
 | Bul maqala Wikipedia qaǵıyda hám talaplarına say bolıwı ushın wikilestiriliwi kerek. |
Televiziyalıq esap
[redaktorlaw | derekti redaktorlaw]Televiziyalıq esap - telejurnalistikanıń baǵdarlamalıq hám jeke janrlardan bolıp, eń áwele, málim fakt hám waqıyalar (konferentsiyalar, jıynalıs, májilisler, saparlar) menen baylanıslı.
Usı mániste ol telexabarǵa júdá jaqın. Biraq, onıń qásiyeti hám xabardan ayırmashılıǵı málimleme sıpatlamasınıń bayan etiliwinde. Máselen, xabarda waqıyanıń qay jerde, qashan bolǵanlıǵı haqqında maǵlıwmat berilse, televiziyalıq esap bul haqqında qosımsha málimleme beredi hám onıń maqset jáne áhmiyeti tuwralı teletamashagóylerdi xabardar etedi. Televiziyalıq esapta waqıya xronika súwretlengen tárizde bayan etiledi hám onda "jıynalǵanlar jıllı kútip aldı", "Ashılıwda qatnastı", "Qutlıqlaw sózi menen shıqtı", "Sózge shıqqanlar maqulladı" kibi sóz dizbekleri kóp ushıraydı.
Telejurnalistika teoriyası hám praktikasında televiziyalıq esap eki túrge ajıratıladı.
Birinshiden - waqıyanıń ápiwayı sáwlesi beriledi.
Ekinshiden - avtordıń gúrrińi menen birgelikte taspaǵa jazılǵan shıǵıwlardıń eń qızıq hám itibarǵa ılayıq úzindiler berip barıladı. Sóylewdiń intonatsion qásiyetleri, tásirsheńligi málimlemeni bayıtadı, waqıyanıń tolıq hám izbe-iz bahalawǵa járdem beredi.