Ábdiqádir Qayıpov
| Ábdiqádir Qayıpov | |
|---|---|
| Ádebiy laqabı | Muńlı shayır |
| Tuwılǵan sáne | 5-fevral 1963-jılı (62 jasta) |
| Tuwılǵan jeri | Qanlıkól rayonı |
| Dóretiwshilik túri | poeziya, proza |
| Oqıǵan jeri | Nókis mámleketlik universiteti |
| Birinshi kitabı | «Jorajan» (2000) |
Ómir hám miynet jolı
[redaktorlaw | derekti redaktorlaw]1963-jılı 5-fevralda Qanlıkól rayonınıń házirgi Qulamet jıraw atındaǵı diyqan-fermer xojalıǵında tuwılǵan.
Orta mektepti pitkergennen 1984-jılǵa shekem qurılıs mákemesinde jumısshı, 1984-87-jılları shofer bolıp isledi. Ol 1989-jılı Nókis mámleketlik universitetinin filologiya fakultetin sırttan oqıp pitkeredi.
Házirgi waqıtta Qaraqalpaqstan Respublikası Eskek esiw Federaciyasınıń direktorı lawazımında islep atır. Jáne de Qaraqalpaqstan Jazıwshılar awqamı janındaǵı Poeziya keńesin basqarıp kelmekte.
Á. Qayıpov 2002-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Á.Qayıpovtıń «Jorajan» (2000) qosıqlar kitapshası, «Dáslepki sawǵa» (2001) atamasında prozalıq shıǵarmaları, «Tiri jetim» (2002) povesti hám Baxadır Qayıpov penen avtorlıqta «Qaraqalpaq boksı» (2002) atamasındaǵı publicistikalıq shıǵarmalar jıynaǵı, S. Jániev penen avtorlıqta «Babalar eskegine sadıq mektep» (2008) atamasındaǵı kitabı basılıp shıqtı.
Jetiskenlikleri
[redaktorlaw | derekti redaktorlaw]2001-2002 jılları «Eń jaqsı sport jurnalisti» nominaciyalardıń jeńimpazı. 2020-jılı Orta Aziya Jazıwshılar hám tariyxshılar awqamınıń «Turan birligi - mıqlı qálemger» medalı menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0