Ábilqasım Ótepbergenov
| Ábilqasım Ótepbergenov | |
|---|---|
| Tuwılǵan sáne | 5-may 1954-jılı (71 jasta) |
| Tuwılǵan jeri | Góne Úrgenish, Túrkmenstan  |
| Dóretiwshilik túri | poeziya, proza, publicistika |
| Oqıǵan jeri | Qaraqalpaq mámleketlik pedinstitutı |
| Shıǵarmalarınıń tili | qaraqalpaqsha |
| Ataqları | «Qaraqalpaqstan Respublikasına miyneti sińgen mádeniyat xızmetkeri» (1994) |
| Sıylıqları | «Shuhrat medalı» (1997) |
Ábilqasım Ótepbergenov (1954-jıl 5-may) — shayır, jazıwshı hám publicist.
Ómir jolı
[redaktorlaw | derekti redaktorlaw]Á.Ótepbergenov 1951-jılı 5- mayda Túrkmenstan Respublikasınıń Góne Úrgenish qalasında tuwılǵan. Ol orta mektepti pitkergennen soń 1968-jılı Qaraqalpaq mámleketlik pedinstitutınıń tábiyattanıw fakultetine oqıwǵa kiredi. Soń awıl-xojalıq jumıslarında isleydi.
Ol 1976-jıldan baslap «Jas Leninshi», «Erkin Qaraqalpaqstan» gazetalarında, «Ámiwdárya» jurnalınıń bas redaktorı wazıypasın atqaradı. Házirgi waqıtta Qaraqalpaqstan Respublikası Teleradiokompaniyasınıń televidenie boyınsha bas redaktordıń orınbasarı bolıp isleydi.
Á. Ótepbergenov 1993-jıldan Jazıwshılar awqamınıń aǵzası.
Dóretiwshilik jolı
[redaktorlaw | derekti redaktorlaw]Á. Ótepbergenovtıń «Tamshılar» (1982), «Bulaqlar» (1990), «Dúnya bir ájayıp jaydur» (1993), «Dozaq ishinde» (1993), «Ashılmaǵan sır sandıǵı mendedur» (1994), «Eger kewlimdi xosh etse...» (1996), «Allańdı umıtpa» (1997), «Allada esap bar» (2007), «Еy, insan!» (2007), «Kún shıǵıs muxamları» (2007), «Sálmen iyshan dóxmet qurbanı» (2007), «Kimge keńdur, kimge tardur bul dúnya» (2008), «Xalıqtan danaman dep oylama» (2009) atlı qosıqlar hám «Oynama, bala» (1984) gúrrińler hám «Dozaq ishinde» (1993) romanı jarıq kórdi.
Ol túrkmen jazıwshısı B. Seytakovtıń «Qız salıǵı» romanın hám túrkmen shayırı A. Mamedovtıń «Kewlimnin shar aynası» degen qosıqlar toplamların qaraqalpaq tiline awdardı.
Jetiskenlikperi
[redaktorlaw | derekti redaktorlaw]1994-jılı «Qaraqalpaqstan Respublikasına miyneti sińgen mádeniyat xızmetkeri», 1997-jılı «Shuhrat medalı» menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0