Ádilbay Qojıqbaev

Ádilbay Qojıqbaev
Ádilbay Qojıqbaev
Tuwılǵan sánesi	18-yanvar 1934-jılı
Tuwılǵan jeri	Sorkól awılı, Qońırat rayonı
Qaytıs bolǵan sánesi	2005-jılı
Ilimiy tarawı	Filologiya, ádebiyattanıw
Jumıs orınları	«Ámiwdárya» jurnalı; N. Dáwqaraev atındaǵı Tariyx, til hám ádebiyat institutı; «Qaraqalpaqstan» baspası
Bilim alǵan jeri	Qaraqalpaq mámleketlik pedinstitutı
Belgili tezis(ler)i	«Qaraqalpaq romanında konflikt hám qaharman» (1972)

Ádilbay Qojıqbaev (1934-jıl 18-yanvar-2005) — ádebiyat izertlewshisi.

Ómiri hám miynet jolı

Á. Qojıqbaev 1934-jılı 18-yanvarda Qońırat rayonınıń Sorkól awılında tuwılǵan.

Ol 1955-jılı Qaraqalpaq mámleketlik pedinstitutın pitkerip mektepte muǵallim, mektep direktorı (1955-61), sońınan «Ámiwdárya» jurnalında ádebiy xızmetker, televidenie hám radio esittiriw komitetinde redaktor (1962-64), pedinstitutta oqıtıwshı (1964-68), N. Dáwqaraev atındaǵı Tariyx, til hám ádebiyat institutında ilimiy xızmetker, «Qaraqalpaqstan» baspasında kórkem ádebiyat bóliminiń baslıǵı, sol baspanıń bas redaktorı bolıp isleydi.

Á.Qojıqbaev 1982-jıldan Jazıwshılar awqamınıń aǵzası.

Dóretiwshiligi

Ilimiy dóretiwshiligi

Ol 1972-jılı «Qaraqalpaq romanında konflikt hám qaharman» degen temada filologiya ilimleriniń kandidatı degen ilimiy dárejeni alıw ushın dissertaciya jaqladı.

Ádebiyatshınıń «Qaraqalpaq romanı» (1977), «Tariyxıy qosıqlar» (1980) degen miynetleri basılıp shıqtı. Sonıń menen birge ol «Qaraqalpaq folklorı tariyxınıń ocherkleri» (1977) degen kitaptıń avtorlarınıń biri.

Awdarmashılıǵı

Á. Qojıqbaev J. Sháripovtıń «Xorezm» romanın, S. Zunnunova, D. Yultıy, V. Solouxinniń povestlerin qaraqalpaq tiline awdarǵan.

Ádebiyatlar

Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0