Ámiwdárya (jurnal)
Ámiwdárya jurnalı – Qaraqalpaqstan Respublikasınıń kórkem ádebiyat, sın hám jámiyetlik oy-pikir jurnalı.
Dúziliwi
[redaktorlaw | derekti redaktorlaw]«Ámiwdárya» jurnalı 1932-jıl 19-iyulda dáslepki atı «Miynet ádebiyatı» degen at penen basılıp shıqqan. 1933-jılı «Awdarıspaq jalını», 1935-jılı «Jeńis hawazı», 1939-jıldan «Qaraqalpaq ádebiyatı hám iskusstvosı», al 1958-jıldan «Ámiwdárya» atı menen hár jılı bir neshe mıń nusqalarda basıp shıǵarılıp, usı kúnge shekem bir neshe júzlegen baspa tabaq kólemindegi jurnal basılımları keń jámiyetshilik ishine barıp jetken.
Jiyen jıraw, Kúnxoja, Ájiniyaz, Berdaq, Ótesh, Ayapbergen, Abbaz, Sadıq, Tilewbergen, Ibrayım, Tólepbergenler arbasın aydasqan ádebiyatımızdı olardıń izgi áwladları dawam ettirmekte.
Bas redaktorları
[redaktorlaw | derekti redaktorlaw]Ótken dáwirlerde «Ámiwdárya» jurnalına bir neshe bas redaktorlar basshılıq etti. Jurnaldıń eń birinshi bas redaktorı Asan Begimov, soń Mırzaǵaliy Dáribaev, Bayniyaz Qayıpnazarov, Marat Nurmuxammedov, Jumabay Táshenov, Ibrayım Yusupov, Máten Seytniyazov, Abat Áliev, Ismayıl Qurbanbaev, Ulmámbet Xojanazarov, Tájetdiyin Seytjanov, Tolıbay Qabulov, Keńesbay Allambergenov, Saǵınbay Ibragimov, Ábilqasım Ótepbergenov, Allanazar Ábdiev, Orazbay Ábdiraxmanovlar usı xalıqlıq xızmetti atqarıstı.
Búgingi kúni
[redaktorlaw | derekti redaktorlaw]Búgingi kúnde jurnaldıń bas redaktorı lawazımında Qaraqalpaqstan xalıq shayırı Xalila Dáwletnazarov jumıs alıp barmaqta.