Áwez úylengen dástanı

«Áwez úylengen» dástanı — «Góruǵlı» ciklindegi dástanlar quramınan orın aladı. Dástan 1960-jılı J.Ábdikarimov tárepinen baqsı Narbay Koshekenovtan jazıp alınǵan (R-114, №36805). Dástandaǵı qaharmanlıq obrazlar tereń lirizm menen bayıtılǵan. Onda tiykarınan ata menen perzent arasındaǵı óz-ara munásibet, atalıq wazıypa, perzentlik parız motivlerin sáwlelendiriw basshılıqqa alınǵan. Dástanda ar-namıstı ardaqlaw, hújdandı húrmetlew, milliy úrp-ádet, dástúrlerge bolǵan sadıqlıq, el-xalıq isenimin aqlaw jolındaǵı qaharmanlıq háreketler bas ideya etip belgilengen. Dástan 1986-jılı qaraqalpaq folklorı kóp tomlıǵın XV-tomında birinshi ret jarıyalanǵan.