Ómirbay Embergenov
| Ómirbay Embergenov | |
|---|---|
 | |
| Tuwılǵan sánesi | 24-dekabr 1942-jılı |
| Tuwılǵan jeri | 9-awıl, Qońırat rayonı |
| Qaytıs bolǵan sánesi | 29-iyul 2020-jılı (77 jasta) |
| Dóretiwshilik túri | proza |
| Oqıǵan jeri |
|
| Sıylıqları | «Ózbekstan xalıq bilimlendiriw aǵlası» |
Ómirbay Embergenov (Өмирбай Ембергенов; 1942-2020) — jazıwshı.
Ómir jolı
[redaktorlaw | derekti redaktorlaw]Ó. Embergenov 1942-jılı 24-dekabrde Qońırat rayonınıń 9-awılında tuwılǵan.
1960-jılı Nókis awıl xojalıq texnikumın, 1973-jılı Tashkent qalasındaǵı Respublika rus tili hám ádebiyatı institutın pitkergen.
1973-jıldan Qońırat qalasındaǵı N-53 sanlı mektepte rus tili hám ádebiyatı páninen muǵallim bolıp isledi.
Ó.Embergenov 1999-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Onıń «Erteńgi kún» (1987), «Nawrızdıń aqsha qarı» (1990), povest hám gúrrińler jıynaǵı «Íshqı - muhabbat sawdası», «Táwipshilik sırları» (1991) atlı hár qıylı dáreklerden jıynaǵan toplamları, «Jıqqın» (1995), «Birlikli Qońırat ellerim bardı» (2002) kitapları basılıp shıqtı.
2007-jılı «Qaraqalpaqfilm» kinostudiyası tárepinen túsirilgen «Hákim-Ata» kinofilminiń scenariyin jazǵan.
J. Shamuratov penen birgelikte jazǵan «Qońırat», «Hákim-Ata» kitabı hám óziniń «Tuyǵılar oyanganda» atlı qosıqlar toplamı jarıq kórdi.
Jetiskenlikleri
[redaktorlaw | derekti redaktorlaw]Ol «Miynet veteranı», «Ullı Jeńistiń 20 jıllıǵı» medalları hám «Ózbekstan xalıq bilimlendiriw aǵlası» kokirek nıshanı menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0