Ótesh batır dástanı

«Ótesh batır» dástanı dep atalǵan shıǵarma XIX ásir sońı—XX ásir basında bolıp ótken waqıyalar haqqında bóretilgen. Dástan qaharmanları da haqıyqatında tariyxta bolǵan tulǵalar. Dástannıń bas qaharmanı Ótesh batırdıń zamanlasları onı táriplep, xalıq qorǵawshısınıń kózi tirisinde-aq qanshama ańızlar, qosıqlar shıǵaradı. Sol dóretpeler awızdan-awızǵa kóship, jurtshılıq arasına keńnen tarqalıp ketedi. Xalıq ishinen shıqqan shayırtábiyat adamlar onı taǵı da tolıqtırıp jırlap, bayıtıp barǵan, onı dástan xalqına Baltaq shayır ismi menen belgili bolǵan sóz sheberi.

Baltaq shayır (Baltabay Yuldashev) ózi balalıǵında esitken Ótesh batır tuwralı tariyxtan gúrrińler menen qosıqlardı yadlap, oǵan óziniń dóretken Qanlıkól aymaǵınıń ótmishi jónindegi hádiyselerdi de qosıp, jańa nusqanı júzege shıǵaradı, onıń tarqalıwshısı da ózi boladı. ÓzR, IA, QB ilimiy xızmetkerleriniń sorawı boyınsha Baltaq shayır ózi ashqarǵan «Ótesh batır» dástanın 1985-jılı ilimiy kitapxananıń qoljazbalar fonında tapsırǵan.

Dástanlardıń gezektegi tomların baspaǵa tayarlawda Ózbekstan Respublikası Ilimler Akademiyası Qaraqalpaqstan Bólimi Qaraqalpaq gumanitar ilimler ilimiy-izertlew institutınıń ilimiy xızmetkerleri: filologiya ilimleriniń kandidatları A.Alniyazov, J.Xoshniyazov, P.Nájimov, Q.Bekbergenov, ilimiy xızmetkerler: A.Idrisov, T.Qanaatov, A.Qalenderova, kompyuter operatorları B.Seytbekova, Z.Amanbaevalar qatnastı.