Ǵayıp Yaqubov
| Ǵayıp Yaqubov | |
|---|---|
| Tuwılǵan sáne | 9-oktyabr 1937-jılı (88 jasta) |
| Tuwılǵan jeri | Xojeli |
| Dóretiwshilik túri | poeziya, awdarma |
| Oqıǵan jeri | Tashkent mámleketlik universiteti |
Ǵayıp Yaqubov (Ғайып Яқубов; 1937-jıl 9-oktyabr, Xojeli) — shayır, dilmash hám jurnalist.
Ómir hám miynet jolı
[redaktorlaw | derekti redaktorlaw]F. Yaqubov 1937-jılı 9-oktyabrde Xojeli qalasında tuwılǵan. Ol Tashkent mámleketlik universitetiniń jurnalistika fakultetin tabıslı pitkergennen keyin, mektepte muǵallim, 1964-1968- jılları Qaraqalpaq mámleketlik pedinstitutında oqıtıwshı, 1968-jılı Respublikalıq mugallimlerdiń bilimin jetilistiriw institutında kabinet baslıǵı, 1969-85-jılları «O'qituvchilar gazetası»nıń Xorezm hám Qaraqalpaqstan boyınsha arnawlı xabarshısı. 1985-1992-jılları Qaraqalpaqstan Jazıwshılar awqamında ádebiy másláhátshi, ádebiyat qorınıń baslıǵı bolıp isleydi. «Mayrifat» gazetasınıń xabarshısı, sońınan «Amu tongi» gazetasında isleydi. Házir Ózbekstan Respublikası «Hurriyat» gazetasınıń Qaraqalpaqstan Respublikası boyınsha xabarshısı hámde «Qaraqolpoǵiston tongi» gazetasında islep atır.
Ǵ. Yaqubov 1990-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Ǵ. Yaqubovtıń «Sırlı tayaq» (1965), «Jaǵıstaǵı samallar» (1988), «Tórtlikler» (1991), «Muhabbat-hikmat» (2007) kitapları basılıp shıqtı.
Awdarmashılıǵı
[redaktorlaw | derekti redaktorlaw]Ol awdarma tarawında T.Qayıpbergenovtıń «Suwıq tamshı» (A. Qahhar menen birlikte), «Uyqısız túnler» (1972) povestlerin ózbek tiline awdardı.
Ǵ. Yaqubov Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялық мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0