Abdulla Sadıqov
| Abdulla Sadıqov | |
|---|---|
| Tuwılǵan sánesi | 17-oktyabr 1946-jılı |
| Tuwılǵan jeri | Qońırat rayonı |
| Qaytıs bolǵan sánesi | 2001-jılı |
| Dóretiwshilik túri | proza |
| Oqıǵan jeri | Qaraqalpaq mámleketlik pedinstitutı |
| Shıǵarmalarınıń tili | qaraqalpaq tili |
| Sıylıqları | Berdaq atındaǵı mámleketlik sıylıǵınıń laureatı (1993) Qaraqalpaqstan Jazıwshılar awqamınıń sıylıǵı (1987) |
Abdulla Sadıqov (Абдулла Садықов; 1946-2001) — jazıwshı. Berdaq atındaǵı mámleketlik sıylıǵınıń laureatı (1993).
Ómirbayanı
[redaktorlaw | derekti redaktorlaw]A.Sadıqov 1946 jılı 17-oktyabrde Qońırat rayonında tuwılǵan.
Ol orta mektepti tamamlaǵannan keyin Xorezm xojalıǵında jumısshı bolǵan (1964-66), Qaraqalpaq mámleketlik pedinstitutın pitkergennen keyin ózi tuwılǵan rayonda muǵallim bolıp islegen (1971-73), sońınan «Jetkinshek» gazetasında, Qaraqalpaqstan Jazıwshılar awqamında xızmet atqarǵan.
Ol ómiriniń aqırına shekem «Qaraqalpaqstan» baspasında bólim baslıǵı lawazımında isledi.
A.Sadıqov 1982-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Jazıwshınıń «Isenim», «Xosh, Dilbarım, xosh qılıqlı qız edin!», «Sónbeytuǵın juldız», «Bostansız búlbúl» (1988), «Tasta da gúlleydi» (1991) degen gúrrińleri, povest hám romanları baspadan shıqtı.
Jetiskenlikleri
[redaktorlaw | derekti redaktorlaw]Ol Qaraqalpaqstan Respublikası Berdaq atındaǵı mámleketlik sıylıǵınıń laureatı (1993) boldı hám Qaraqalpaqstan Jazıwshılar awqamınıń sıylıǵın (1987) alıwǵa eristi.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялық мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0