Ahmet Yeşiltepe
| Ahmet Yeshiltepe | |
|---|---|
| túrkshe: Ahmet Yeşiltepe | |
 Ahmet Yeshiltepe kitap kórgezbesinde | |
| Tuwılǵan sánesi | -mart 1968 (58 jasta) |
| Kásibi | jurnalist |
| Oqıǵan jeri | Anadolu universiteti |
| Iskerlik jılları | 1992–házirgi waqıt |
| Perzentleri | 2 |
Ahmet Yeshiltepe (túrkshe: Ahmet Yeşiltepe; 1968-jıl mart) — túrk jurnalisti, radio hám telebaslawshısı.
Jaslıǵı
[redaktorlaw | derekti redaktorlaw]Qáwipsizlik baslıǵı Selahattin Yeshiltepe hám Kamile Kirezciniń ulı. Anası Göztepe sport klubınıń birinshi hám jalǵız hayal basshısı bolǵan. Universitetke deyingi bilimin Izmir qalasında tamamlaǵannan soń, Eskişehirdegi Anadolu universitetiniń Kommunikaciya fakultetin tamamlaǵan.
Jurnalistlik xızmeti
[redaktorlaw | derekti redaktorlaw]Bosniya urısı, Kosovo urısı, 11-sentyabr hújimleri sıyaqlı kóp sanlı xalıqaralıq waqıyalarda xabarshı bolıp isledi. NTV telekanalında «Ana Haber» (Tiykarǵı xabarlar) baǵdarlamasınan baslap, kóp sanlı aktual xabar baǵdarlamaların tayarlap usındı. Jurnalistlik xızmeti menen bir qatarda tariyx hám mádeniyat baǵdarındaǵı hújjetli filmler tayarladı. Ásirese, Orta Aziya hám túrklerdiń kelip shıǵıwı haqqındaǵı baǵdarlamaları menen belgili.
Ómiri
[redaktorlaw | derekti redaktorlaw]1968-jılı mart ayında tuwılǵan. Anadolu universitetiniń Kinematografiya hám televideniye bóliminde oqıǵan[1]. Televideniye xabarlashısı retinde óz xızmetin 1992-jılı TRT kanalında basladı.
Bosniyadan Túrkiyaǵa qaytqannan soń, London hám Nyu-York qalalarında[1] media marketingi tarawında magistratura dárejesin aldı. Shet elde oqıp júrgende de jurnalistlik xızmetin dawam ettirdi[2]. Eki jıl dawamında TRTnıń Nyu-York hám Vashington wákili bolıp isledi. 1997-jılı NTV kanalınıń Nyu-York bólimin ashtı hám jeti jıl dawamında usı lawazımdı atqardı. AQSHta jasaǵan dáwirinde qatnasqan kursları hám seminarları arqalı onıń tariyx hám arxeologiyaǵa bolǵan qızıǵıwshılıǵı jáne de arttı[3].
2004-jıldan baslap NTV kanalında «Ana Haber» programmasın hám kóp sanlı xabar baǵdarlamaların tayarladı hám júrgizdi[4]. «Doğuş Yayın Grubu» quramında radiolar boyınsha bas redaktor hám NTVMSNBC saytınıń bas redaktorı bolıp isledi. 2015-jıldan baslap usı xoldingtiń Sırtqı baylanıslar hám xabarlar koordinatorı lawazımına tayınlandı[5].
«NTV Radyo»da járiyalanǵan «Babil Kulesi» (Vavilon qalası) atlı birgeliktegi radio-baǵdarlaması ushın 2004-jılı Túrkiya Jurnalistler Jámiyeti tárepinen beriletuǵın Sedat Simavi sıylıǵına ılayıq dep tabıldı[6]. 2006-jılı usı baǵdarlama menen «Zamanagóy Jurnalistler Jámiyeti» tárepinen jıldıń tabıslı jurnalisti dep tán alındı.
Yeshiltepe NTV ushın tariyx hám mádeniyat baǵdarındaǵı mınanday derekli filmlerdi tayarladı:
- «Zaman Yolcusu — Uzaklar» (Waqıt sayaxatshısı — Alıslar);
- «Zaman Yolcusu — Türklerin İzinde» (Waqıt sayaxatshısı — Túrklerdiń izin izlep);
- «Müze Ziyaretçisi» (Muzey miymanı);
- «Kurtuluş Yolu» (Azatlıq jolı);
- «Çanakkale’de 100. Yıl — 7 İnsan 7 Öykü» (Çanakkaledegi 100-jıl — 7 adam 7 táǵdir).
Onıń Qazaqstandaǵı Xalıqaralıq Túrk akademiyası (TWESCO) tárepinen ámelge asırǵan jumısları «Ismayıl Gaspıralı media sıylıǵı»na ılayıq dep tabıldı[7].
Onıń Lidya (2012) hám Mina (2016) atlı eki qızı bar.
Derekler
[redaktorlaw | derekti redaktorlaw]- 1 2 Kazancı, Handan «Türkiye'de Hadsizlik Var» (tr). Yenisafak.com.tr (2005-jıl 3-avgust). 2020-jıl 31-oktyabr sánesinde túp nusqadan arxivlendi. Qaraldı: 2021-jıl 3-mart.
- ↑ «Ahmet YEŞİLTEPE» (tr). 3. Turizm Şurası. 2018-jıl 17-oktyabr sánesinde túp nusqadan arxivlendi. Qaraldı: 2020-jıl 8-oktyabr.
- ↑ Tapan, Burak «'Ayarlarımız bozulmuş durumda'» (tr). Gazetevatan.com (2015-jıl 16-noyabr). 2018-jıl 15-may sánesinde túp nusqadan arxivlendi. Qaraldı: 2021-jıl 3-mart.
- ↑ «NTV'nin Ana Haber Bülteni'ni Ahmet Yeşiltepe Defne Sarısoy'la birlikte sunacak» (tr). Tgrthaber.com.tr (2003-jıl 8-sentyabr). 2021-jıl 20-mart sánesinde túp nusqadan arxivlendi. Qaraldı: 2021-jıl 3-mart.
- ↑ «Doğuş Grubu’nda kurum içi atama» (tr). Campaigntr.com (2015-jıl 7-dekabr). 2021-jıl 20-mart sánesinde túp nusqadan arxivlendi. Qaraldı: 2021-jıl 3-mart.
- ↑ «28. Sedat Simavi Ödülleri - 2004» (tr). Türkiye Gazeteciler Cemiyeti. 2016-jıl 26-oktyabr sánesinde túp nusqadan arxivlendi. Qaraldı: 2021-jıl 3-mart.
- ↑ «Kazakistan’da Gaspıralı ödülleri» (tr). Istanbulhaber.com (2017-jıl 15-may). 2017-jıl 17-may sánesinde túp nusqadan arxivlendi. Qaraldı: 2021-jıl 2-mart.