Aitu SuperAPP
Aitu SuperApp (tiykarınan, Aitu) — qazaqstanlı superqosımsha hám messendjer [1].
| Avtorı | Kazdream Technologies |
| Túri | Superqosımsha |
| Jazılǵan til(ler)i | qazaq, orıs, inglis |
| Status | belsendi |
| Websayt | aitu.io |
Biznes ushın qollanılatuǵın bul qosımshaǵa jasalma intellekt engizilgen. Aitu BTS kompaniyasınıń BTS Digital nomerli ekosistemasına kiredi. 2019-jılı Aitu qosımshasın qazaqstanlı Kazdream Technologies IT-xoldingi islep shıqqan.[1]
2021-jıl may ayınan baslap Aitu qosımshasında paydalanıwshılar COVID-19 pandemiyası dáwirinde aktual bolǵan Ashıq xızmetinen de paydalana aldı. Bunı cifrlı rawajlanıw, innovaciyalar hám aerokosmikalıq óndiris ministriniń orınbasarı Aset Turisov málim etken[2]. Sol jıldıń iyul ayında qosımshaǵa egov.kz elektron húkimet xızmeti de qosılıp, sol tiykardan túrli mámleketlik maǵlıwmatnamalarǵa da kiriw múmkinshiligi payda boldı.[3]
Qazaqstan xalqı Aitu qosımshası arqalı 2021-jılǵı xalıq sanın dizimine alıw imkaniyatına iye boldı.[4]
2025-jıl avgust ayında Qazaqstan húkimetiniń rásmiy saytı Qazaqstan mámleketlik organları Aitu qosımshasına ótiwin járiyaladı. Bul qarardı Húkimet janındaǵı, prezident Toqayev basshılıq etetuǵın jasalma intellekt boyınsha keńes qabıllaǵan edi. Qarardı qabıllawda húkimet qosımshanıń "zamanagóyligi, qáwipsizligi hám qolaylılıǵı"na itibar qarattı.[1] Bul qarardı qabıllawda Toqayevtiń ózide qollap-quwatlap, tapsırma bergen.[5]
Xızmeti
[redaktorlaw | derekti redaktorlaw]Paydalanıwshılar Aitu SuperAPP qosımshasın Google Play hám App Store arqalı júklep alıwı, qosımshada ózlerin telefon nomeri arqalı dizimnen ótkeriwi múmkin. Bul qosımshadan qazaq tilin úyreniw ushın paydalanıwǵa boladı.[4]
Derekler
[redaktorlaw | derekti redaktorlaw]- 1 2 3 Әбітай, Ақсәуле https://kz.kursiv.media/kk/2025-08-12/slbt-memlekettik-mekemeler-ulttyq-aitu-messendzherine-oetedi-ol-qandaj-qosymsha/ (2025-jıl 12-avgust) Qaraldı; 2025-jıl 14-avgust
- ↑ https://aitu-qosymshasyn-da-paydalanugha-bolady (қаз.). Егемен Қазақстан (2021-jıl 26-may).
- ↑ https://egov.kz/cms/kk/news/news_aitu (қаз.). egov.kz ( 2021-jıl 30 iyul).
- 1 2 https://khalyk-sanagyna-onlayn-katysudyn-kanday-kiyndygy-bar/ Әділбеков, Ақжігіт (2021-jıl 16-sentyabr).
- ↑ https://pravitelstvu-kazakhstana-prezident-poruchil-pereyti-na-natsionalnyy-messendzher.html (оrıs.). zakon.kz (2025-jıl 12 avgust)