Alima Pirniyazova
| Alima Pirniyazova | |
|---|---|
 | |
| Tuwılǵan sánesi | 25-may 1959-jılı (66 jasta) |
| Tuwılǵan jeri | Qaraózek rayonı |
| Milleti | qaraqalpaq |
| Ilimiy tarawı | filologiya, lingvistika |
| Jumıs orınları | N.Dáwqaraev atındaǵı Tariyx, til hám ádebiyat institutı Qarı-Niyaziy atındaǵı Ózbekstan pedagogikalıq ilim-izertlew institutınıń J.Orınbaev atındaǵı Qaraqalpaqstan filialı NMPI |
| Bilim alǵan jeri | NMU |
| Ilimiy dárejesi | Filologiya ilimleriniń doktorı (DSc) |
| Ilimiy ataǵı | docent (2001), professor |
| Sıylıqları | «Qaraqalpaqstan Respublikası xalıq bilimlendiriw aǵlası» (2005) «Ózbekstan Respublikası Xalıq bilimlendiriw aǵlası» (2000, 2001) |
Alima Qudiyarovna Pirniyazova (1959-jıl 25-may) — qaraqalpaq lingvisti. filologiya ilimleriniń doktorı (DSc), professor.
Ómiri
[redaktorlaw | derekti redaktorlaw]1959-jılı 25-mayda Qaraózek rayonında tanımalı lingvisti Qudiyar Pirniyazovtıń qızı bolıp tuwıldı. Milleti — qaraqalpaq.
1981-jılı NMU filologiya fakultetiniń qaraqalpaq tili hám ádebiyatı bólimin pitkergennen keyin, 1981–1984-jılları NMU qaraqalpaq tili kafedrası janındaǵı aspiranturada oqıdı. 1984–1988-jıllarda NMU qaraqalpaq tili kafedrasında oqıtıwshı, 1988–1990-jıllarda N.Dáwqaraev atındaǵı Tariyx, til hám ádebiyat institutınıń házirgi qaraqalpaq tili bóliminde ilimiy xızmetker, 1990-jılı Qarı-Niyaziy atındaǵı Ózbekstan pedagogikalıq ilim-izertlew institutınıń J.Orınbaev atındaǵı Qaraqalpaqstan filialında qaraqalpaq tili hám ádebiyatın oqıtıw metodikası bóliminiń baslıǵı bolıp isledi. 1991-jıldan baslap NMPI qaraqalpaq tili kafedrasında oqıtıwshı, 2015-jıldan baslap usı kafedranıń baslıǵı lawazımında islep atır.
Ilim jolı
[redaktorlaw | derekti redaktorlaw]1986-jılı Tashkentte «Házirgi qaraqalpaq ádebiy tilindegi jámiyetlik-siyasiy leksikanıń qáliplesiwi hám rawajlanıw jolları» degen temada kandidatlıq dissertaciya jaqladı. 2000-2001-jılı Ózbekstan Respublikası Xalıq bilimlendiriw aǵlası, 2001-jılı docent ilimiy ataǵı, 2005-jılı Qaraqalpaqstan Respublikası xalıq bilimlendiriw aǵlası berildi[1].
Miynetleri
[redaktorlaw | derekti redaktorlaw]- Пути формирования и развития общественно-политической лексики в современном каракалпакском литературном языке. АКД. Ташкент, 1986;
- Англичанша-русша-қарақалпақша жәмийетлик-сиясий атамалар сөзлиги. Нөкис, 1992;
- Қарақалпақ тилиндеги омоним аффикслер. Тошкент, «Тафаккур», 2012.
Derekler
[redaktorlaw | derekti redaktorlaw]- ↑ Пахратдинов Қуралбай, Патуллаева Гәўҳар. Филолог илимпаз ҳаял-қызлар (библиографиялық очерк). «Qaraqalpaqstan». Нөкис. 2017. 22-23-bet.