Allanazar Ábdiev
| Allanazar Ábdiev | |
|---|---|
 | |
| Tuwılǵan sánesi | 26-sentyabr 1963-jılı (61 jasta) |
| Tuwılǵan jeri | Shaljuwıt awılı, Taxtakópir rayonı |
| Kásibi | jazıwshı, ádebiyatshı alım |
| Oqıǵan jeri | Nókis mámleketlik universiteti |
| Sıylıqları | «Shuxrat» medalı (2001) «Altın qálem» «Doslıq» ordeni |
| Ataqları | Qaraqalpaqstan xalıq jazıwshısı |
Allanazar Ábdiev (Алланазар Әбдиев; 1963-jıl 26-sentyabr, Taxtakópir rayonı) — jazıwshı hám ádebiyatshı alım. Filologiya ilimleriniń kandidatı.
Ómir jolı
[redaktorlaw | derekti redaktorlaw]A. Ábdiev 1963-jılı 26-sentyabrde Taxtakópir rayonınıń «Shaljuwıt» awılında tuwılǵan.
1985-jılı Nókis mámleketlik universitetiniń filologiya fakultetine oqıwǵa kiredi.
Miynet jolın 1990-jılı Qaraqalpaqstan Respublikası televidenie hám radio esittiriw boyınsha mámleketlik komitetinde redaktor wazıypasınan baslaǵań.
Házirgi waqıtta «Mádeniyat hám sport» gazetasında bas redaktor bolıp xızmet etip kelmekte.
A. Ábdiev 1997-jıldan Jazıwshılar awqamınıń, 1998-jıldan Jurnalistler awqamınıń aǵzası.
Dóretiwshiligi
[redaktorlaw | derekti redaktorlaw]Ádebiy dóretiwshiligi
[redaktorlaw | derekti redaktorlaw]A. Ábdievtin «Bizler baxıtlı bolamız» (1992), «Qızıl qoshantay» (1995), «Berdaq shıǵarmaları boyınsha bibliografiyalıq kórsetkish» (A. Paxratdinov penen) (1999), «Jin-jıpırlar uyası» (2004), «Altın balıq» (A. Idireysov penen) (2006), «Ataqlı alım» (2007), «Alǵıs alǵan azamat» (2007), «Bekannıń avtomashinaları» (2008), «Еlza xanım» (2008), «Qızıl kóylekli jánan» (2009), «Aqqus» (2010), «Maqtanshaq qoraz» (2010) prozalıq kitapları basılıp shıqtı.
Awdarmashılıǵı
[redaktorlaw | derekti redaktorlaw]A. Ábdievtin «Subhidam arafasida» romanı, «Еren saxiy» povest hám gúrrińleri Ózbekstannıń «Sharq yulduzi», «Yoshlik», «Tong yulduzi», «Xorijiy filologiya», Qazaq stannıń «Dala» hám basqa da gazeta-jurnallarında ózbek, qazaq, tillerinde járiyalandı.
Jáhán ádebiyatınıń sóz sheberlerinen: J. Simenon, Aziz Nesin, J. Oruell, Kikuti Kan, Ayzek Azimov, Sayd Axmad hám taǵı basqa jazıwshılardıń belgili shıǵarmaların ana tilimizge awdarıp, «Ámiwdárya» jurnalında járiyaladı.
Ilimiy dóretiwshiligi
[redaktorlaw | derekti redaktorlaw]Ol 1995-jılı kandidatlıq dissertaciyasın jaqladı.
Jetiskenlikleri
[redaktorlaw | derekti redaktorlaw]Dóretiwshilik islerindegi tabısları ushın 2001-jılı «Shuxrat» medalı menen, «Mustaqıllıqtıń 10 jıllıǵı», «Mustaqıllıqtıń 15 jıllıǵı» estelik nıshanları menen, sonday-aq 2004-jıldıń «Jıl jurnalisti» nominaciyasınıń jeńimpazı boldı.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0