Allayar Dosnazarovtıń xronologiyası

Allayar Dosnazarovtıń biografiyalıq xronologiyası:

8-mayda Shımbay uezdiniń «Kókózek» bolıslıǵında (házirgi Qaraózek rayonı) tuwıldı.

Moskvada birinshi perzenti dúnyaǵa keldi.
30-sentyabrde Moskvadaǵı Túrkstan milliy komissiyasınıń jıynalısına A. Dosnazarov ta qatnastı.
20-oktyabrde «Qaraqalpaqstan oblastındaǵı siyasıy awhal haqqında» málimleme bayanat, «Avtonomiyalı oblast partiya qurılısınıń jobası», «Qaraqalpaqstan Avtonomiyalı Oblast delegaciyasınan konkret usınıslar» dep atalǵan úsh xattı V.M.Molotovtıń atına jollap, partiyanıń Pútkilawqamlıq Oraylıq Komitetiniń sekretariatına tapsırdı.
24-oktyabrde partiyanıń Kirobkomınıń byurosında A. Dosnazarov shıǵıp sóylep, Qaraqalpaqstan Avtonomiyalı Oblastı revkomı haqqında másele qoydı.
Noyabrde A. Dosnazarov basshılıǵındaǵı qaraqalpaq delegaciyası Orenburgtan Tashkentke keldi.
13-dekabrde Partiyanıń Qaraqalpaqstan orgbyurosı Dosnazarov basshılıǵında «Baspasóz haqqında» máseleni qaradı hám oblastlıq «Erkin Qaraqalpaqstan» gazetasın shıǵarıw haqqında qarar qabıl etti.

16-yanvarda Tórtkúl okrugi komyacheykaları sekretarlarınıń jıynalısında shıǵıp sóyledi.
15-19-aprelde Qızılorda qalasında ótkerilgen pútkil Qazaqstan keńesleriniń besinshi syezdinde A.Dosnazarov delegat bolıp qatnastı hám Qazaqstan Oraylıq Atqarıw Komitetiniń aǵzalıǵına saylandı.
Aprelde partiyanıń Kirkraykomı Dosnazarovtı partiyanıń Qaraqalpaqstan shólkemlestiriw byurosınıń juwaplı sekretarı wazıypasınan bosattı.
Aprel ayınıń ayaǵında partiyanıń Kirobkomınıń qaramaǵına komandirovkaǵa jiberildi. Qazaqstan Oraylıw Atqarıw Komitetiniń apparatında jumıs isleydi.
Oktyabrde partiyanıń Qazaqkraykomı Dosnazarovtı taǵı Qaraqalpaqstan obkomınıń qaramaǵına jiberedi.
Oktyabrde Qaraqalpaq obkomı Dosnazarovtı jumısqa ornalastırıw máselesin kórip, onı Qaraqalpaqstan oblastlıq miliciyasınıń siyasiy komissarı etip tayınlaydı.

18-martta Dosnazarovqa qarsı «partiya aǵzalıǵınan shıǵarılsın» degen húkim shıǵarıldı.
14-dekabrde Pútkilawqamlıq Oraylıq Komitetiniń Orta Aziya byurosı óz májilisinde Dosnazarov haqqındaǵı máseleni dodalap, qarar qabıl etti. Onda «Pútkilawqamlıq Oraylıq Qadaǵalaw Komiteti wákiliniń usınısı boyınsha Dosnazarovtı 14922 som 35 tiyindi talan-taraj etti, dep ayıplanǵan isi toqtatılsın, Dosnazarov Allayar partiya aǵzası bolıp esaplansın».
Dekabrde ol universitet rektorı Mishnickiyge arza jazıp, Turmanjanov basshılıǵındaǵı komissiya musılman (arab) tilin jeterli bilmegei ushın bunı tómenletpekshi bolǵanın, xızmetin durıslı bahalamaǵanın bayanladı.

Noyabrde taǵı da Shıǵıs xalıqları universitetiniń tıńlawshısı bolıp qabıl etildi.
30-dekabrde Tashkentte qalǵan hayalın alıp ketiw ushın Tashkentke keldi.

8-yanvarda Pútkilawqamlıq Oraylıq Komiteti Orta Aziya byurosınıń ruxsatı menen Tashkentte oqıp atırǵan Qaraqalpaqstan avtonomiyalı wálayatınıń jasların shaqırıp jıynalıs ótkerdi hám onda sońǵı alǵa qoyılǵan áhmiyetlı máseleler haqqında bayanat jasadı.
12-yanvarda shańaraǵı menen Tashkentten tuwrı Moskvaǵa jónep ketti.

25-yanvarda qamaqqa alındı.
8-aprelde RSFSR UK 58-8 statyası menen 10 jılǵa erkinen ayrıldı.
22-aprelde Ishki isler xalıq komissariatınıń atınan Belomor-Baltik kanalı dúzetiw-miynet lagerine alıp kelindi.

10-noyabrde Leningrad oblastı UNKVDsı ayrıqsha úshliginiń qararı menen atıwǵa húkim etildi.

Óliminen keyin

1968-jılı 27-sentyabrdegi SSSR Joqarǵı Sudınıń qararı menen A. Dosnazarov aqlandı.