Alpısbay Sultanov

Alpısbay Sultanov
Ádebiy laqabı	Alp Sultan
Tuwılǵan sánesi	14-mart 1947-jılı(1947-03-14) (78 jasta)
Tuwılǵan jeri	Moynaq rayonı
Dóretiwshilik túri	proza
Oqıǵan jeri	Qaraqalpaq mámleketlik pedinstitutı
Sıylıqları	Qaraqalpaqstan Respublikası Jaslar awqamı sıylıǵı (1981)

Alpısbay Sultanov (Алпысбай Султанов; 1947) — jazıwshı.

Ómir hám miynet jolı

A. Sultanov 1947-jılı Moynaq rayonında tuwılǵan. Ol Qaraqalpaq mámleketlik pedinstitutın tamamlap, bir qansha waqıt «Jetkinshek» gazetasında, Ózbekkinoxronika studiyasınıń Qaraqalpaqstan filialında, Qaraqalpaqstan televideniesi hám radio esittiriw Komitetinde, Qaraqalpaqstan Respublikası Joqarǵı Keńesinde, «Qaraqalpaqfilm» studiyasında jumıs isleydi.

Házirgi kúni Ájiniyaz atındaǵı Nókis mámleketlik pedinstitutında oqıtıwshı bolıp islew menen birge «Sániyat» jurnalınıń bas redaktorı wazıypasın atqarmaqta.

A. Sultanov 1982-jıldan Jazıwshılar awqamınıń aǵzası.

Jazıwshınıń «Akvarium» (1978), «Mármer tastaǵı jazıw» (1981), «Ómir ótkelleri» (1992), «Ákem haqqında áńgimeler» (2007), «Novellalar» (2008) degen gúrrińler, povestler kitabı hám «Dóhmet» romanı járiyalandı.

Jetiskenlikleri

A.Sultanov Qaraqalpaqstan Respublikası Jaslar awqamı sıylıǵınıń laureatı (1981). Ol Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0