Alpamıs da'stanı

QARAQALPAQ WİKİPEDİASININ' MAG'LIWMATI
Jump to navigation Jump to search

Alpamıs da'stanı - "Alpamıs" tın' qaharmanlıq nusqasının' variantları XX a'sirdin' basında jazıp alınıp, baspa so'zde ko'riniwi sol da'wirden baslanadı. En' birinshi basılıp shıqqan Jiyemurat jıraw "Alpamıs"ı. Da'stanının' ekinshi variantı 1934-ılı O'giz jırawdan Q. Ayımbetov ta'repinen jazıp alındı. U'shinshi variantı 1955-jılı Qıyas jırawdan jazıp alındı. To'rtinshi variantı 1957-jılı Qurbanbay jırawdan, besinshi variantı 1958-jılı Esemurat jırawdan R. Xojambergenov ta'repinen, altınshı variantı 1959-jılı Arzımbet jırawdan Q.Maqsetov ta'repinen, jetinshi variantı 1959-jılı Karam jırawdan A. Jamalov, N. Kamalov, Q. Mambetnazarovlar ta'repinen, segizinshi varinatı 1960-jılı Ta'n'irbergen jırawdan A.Jamalov ta'repinen jazıp alındı.

"Alpamıs" da'stanının' tiykarg'ı ideyası barlıq milliy nusqalarg'a ser salg'anda, a'sirese solardın' tolıg'ı qaraqalpaq, o'zbek, qazaq versiyalarına su'yengende ruwlardın' birigiwi ushın gu'resiw bolıp esaplanadı. "Alpamıs" da'stanının' tiykarg'ı ideyasının' ashılıwı, er ju'rkelik qa'siyetleri, Qarajan menen doslasıw, Tayshıxang'a qarsı gu'res alıp barıwı, ishki ha'm sırtqı dushpanlardın' qıyratılıwı menen izbe-izlik penen da'lilenip otıradı. "Alpamıs" da'stanındag'ı bahalı ideyalardın' tiykarg'ılarınan bir tuwg'an eldi su'yiw onın' ar-namısı ushın gu'resiw-teren' patriotizm sezimleri bolıp esaplanadı.