Arman Barakov

Wikipedia, erkin enciklopediya
[[Fayl:|280px|súwret]]
Tuwılǵan sánesi 9-avgust 1988(1988-08-09) (35 jasta)

Arman Barakov (tolıq atı: Barakov Arman Sabırbayevich) 1988-jılı 9-avgustte Kegeyli rayonı Xalqabad qalasında tuwılǵan. — Teatr hám kino Aktyori.

Ómirbayanı[redaktorlaw | derekti jańalaw]

Arman Barakov 1988-jılı 8-avgust kúni Kegeyli rayonında tuwılģan. 1995-jılı Kegeyli rayonına qaraslı 19-sanlı ulıwma orta bilim beriw mektebine 1-klassqa oqıwǵa barıp, 2004-jılı mektepti tamamladı. 2002-jılı Kegeyli rayonı Balalar muzika hám kórkem óner mektebinde bayan, akkardion bóliminde oqıdı hám 2007-jılı pitirdi. 2004-jılı Xalqabad Sanaat-transport kásip óner kolledji "Menedjer" bólimine oqıwǵa qabıl etilip, ol jerdi 2007-jılı tabıslı tamamladı. Arman Barakov 2020-jıldan Ózbekstan Mámleketlik kórkem óner hám mádeniyat institutı Nókis filialı "Qosıq teatr rejissiyorlıǵı" fakulteti studenti. Ol kóp ǵana filmlerde rol atqarǵan. 2020-jılı Ózbektelefilm tárepinen súwretke alınǵan Muzaffar Erkinov, Muzaffar Karabaevlar rejissyorlıǵında súwretke alınǵan "Aydınlar" filminde bas qaharman Seyit obrazın atqardı. "Qaraqalpaqstan" telekanalı tárepinen súwretke alınǵan "Atalar sózi", "Ómir sınaqları" video filmlerinde, 2017-jılı "Shúkirligim kóp meniń", 2018-jılı "Pushayman", 2019-jılı "Seyf" qısqa metrajlı filmlerinde, 2020-jılı "Joytılǵan táspi, "Úlken úy", "Qaytar dúnya", "Órnekli ómir" telenovellalarında, "Ayjamal" teleserialında, 2020-2021-jılları "Tezlik", "Ózgeshe tanısıw", "Tilge húrmet" hám "Korrupciya" sıyaqlı sociallıq roliklerde, 2021-jılı "Keri tilek" telenovellasında, "Ilmek" telejurnalında roller dóretti. Ol 2019-jılı Qazaqstan Respublikası Almata qalasında bolıp ótken "Almaty Film Festival" kinofestivalında qatnasadı.

Arman Barakov "Qaraqalpaqstan" teleradiokompaniyasında "Assalawma áleykum, Qaraqalpaqstan!" tańǵı saz-sáwbet kórsetiwi, "Múnásibet" sociallıq-siyasıy, "Hákim járdemshisiniń 1 kúni" telekórsetiwlerinde telebaslawshı.

Aktyor 2011-jılı shańaraq qurǵan. Shańaraq aǵzaları ákesi Barakov Sabırbay, anası Masharipova Bibizaure, inisi Barakov Xajmuxan, hayalı Jamalova Mexriban, perzentleri Barakov Serik, Sabırbaeva Janerke hám Sabırbaeva Nazerke.

Derekler[redaktorlaw | derekti jańalaw]