Eki puqaralıq

Eki yaki ko'p puxaralıq ruxsat etilgen (jasıl) ha'm ruxsat etilmegen ma'mleketler (qızıl)

Bir adamda eki yamasa onnan artıq ma'mleket puqaralıg'ına iye bolıw imkaniyatı bar. Eki puqaralıq ataması ko'p puqaralıq (u'sh puqaralıq h.t.b.)tı da qamtıydı. Eki puqaralıq ha'r qıylı ma'mleketlerdin' puqaralıq huqıqındag'ı nızamlar kolliziyası aqıbetinde, ma'selen, topıraq ha'm qan huqıqına tiykarlang'an nızamlarda, ju'zege keledi.

Eki puqaralıq belgili unamsız aqıbetlerdi keltirip shıg'aradı. Olardın' ishinde to'mendegilerdi ayrıqsha ko'rsetip o'tiw mu'mkin:

1. eki puqaralıqqa iye bolg'an shaxslarg'a diplomatiyalıq qorg'anıw menen baylanıslı aqıbetler;
2. eki puqaralıqqa iye bolg'an shaxslardın' a'skeriy xızmetti o'tew menen baylanıslı bolg'an aqıbetler.

Eki puqaralıq ma'selelerine arnalg'an xalıqaralıq sha'rtnamalardın' eki tu'ri bar.
Bulardan birinshisi eki puqaralıq aqıbetlerin sheshiwge qaratılg'an sha'rtnamalar (Diplomatiyalıq qorg'anıw yaki a'skeriy xızmet penen baylanıslı);
ekinshisi eki puqaralıq haqqındag'ı sha'rtnamalar eki puqaralıqtı joq etiwge qaratılg'an sha'rtnamalar.