Hawa boslıǵı

Hawa jer boslıg'ı - xalıqaralıq huqıqqa muwapıq eki tu'rdegi maydandı, yag'nıy:

1. ma'mleket aymag'ının' quram bo'legi esaplanbag'an maydanlardı;
2. ma'mleket aymag'ı shegarasınan tısqarıda jaylasqan maydanlardı o'z ishine aladı.

Birinshi tu'rge kiriwshi hawa maydanı yuridikalıq da'rejesi ma'lim ma'mleket suverenitet astındag'ı maydan esaplanadı. Ma'mleket usı maydan huqıqıy ta'rtibin xalıqaralıq-huqıqıy normalardan kelip shıg'ıwshı xalıqaralıq minnetlerdi inabatqa alg'an halda belgileydi.

Ma'mleket aymag'ı shegarası tısqarısındag'ı hawa maydanı, basqasha aytqanda, xalıqaralıq hawa maydanı yuridikalıq da'rejesi ma'lim ma'mlekettin' suvereniteti astında bolmawı menen sıpatlanadı. Usıg'an muwapıq bul maydan barlıq ma'mleketler ha'm olardın' puqaraları ushın izertlewler alıp barıw ha'm tınısh jollarda paydalanıw ushın ashıq.