Qaraqalpaqstan gimni

Qaraqalpaqstan milliy gimni

Jayxun jag'asında o'sken bayterek,
Tu'bi bir, shaqası mın' bolar demek.
Sen sonday sayalı, quyashlı elsen',
Tınıshlıq ha'm ıg'bal sendegi tilek.

Diyxan baba na'pesi bar jerinde,
Juwsan an'qıp, kiyik qashar sho'linde.
Qaraqalpaqstan degen atın'dı,
A'wladlar a'diwler ju'rek to'rinde.

Aydın keleshekke shaqırar zaman,
Ma'rtlik miynet, bilim jetkizer og'an.
Xalqın' bar azamat, dos ha'm miyirban,
Erkin jaynap-jasnap, ma'n'gi bol aman.

Diyxan baba na'pesi bar jerinde,
Juwsan an'qıp, kiyik qashar sho'linde.
Qaraqalpaqstan degen atın'dı,
A'wladlar a'diwler ju'rek to'rinde.