Arsenal F.C.

Arsenal F.C. — Angliyanıń London qalasında jaylasqan professional futbol komanda. "Arsenal" - inglis futbolı tariyxındaǵı eń tabıslı komandalardan biri bolıp, 1919-jıldan baslap hár máwsim mámlekettiń joqarı divizionında (1992-jılģa shekem Futbol ligası birinshi divizionı, onnan keyin Premyer liga) oynap kelmekte. Bul dáwir ishinde klub 13 márte chempionlıq titulın qolǵa kirgizgen. Klub 1886-jılı shólkemlestirilgen hám birinshi oyınınan keyin "Royal Arsenal" atın algan. Bul at komanda aǵzaları jıynalatuǵın "Royal Oak" pivoxanasınıń atı hám olardıń jumıs ornı - Woolwichtegi qural-jaraq zavodı "Arsenal" atınan alınǵan. 1891-jılı atı "Woolwich Arsenal"ge ózgertilgen, biraq 1912-13-jılǵı máwsimnen soń komanda Islington rayonındaǵı Xayberi aymaǵına kóship ótkende "Woolwich" bólimin alıp taslaǵan. "Arsenal" 2006-jilģa shekem "Highbury" dep atalgan "Arsenal" stadionında oynagan, keyin bolsa Islingtonnıń Xollouey rayonındaǵı 60 min orınlıq jana arenaga kóshken.