Avtoerotizm
Avtoerotizm — adamnıń ózine qarata, ásirese, ishki qozǵatıwshılar tásirinde jınıslıqtı seziwi[1].
Atama XIX ásirdiń aqırında seksolog Havelock Ellis tárepinen keń tarqalǵan. Ol avtoerotizmdi «basqa adamnan tikkeley yamasa tikkeley emes rawajlanatuǵın sırtqı qozǵaw bolmaǵanda payda bolatuǵın óz-ózinen jınısıy sezim fenomeni» dep táriyplegen[2].
Eń kóp tarqalǵan avtoerotikalıq is-háreket — masturbaciya. Hátteki, bul eki termin bir-biriniń ornında qollanılıwı múmkin. Biraq avtoerotikalıq háreketler masturbaciya menen sheklenbeytuǵın bolǵanlıǵı ushın olar sinonim dep esaplanbaydı. Uyqıda bosatılıw, jınısıy fantaziyalar hám jınısıy jaqtan biytárep bolǵan muzıka sıyaqlı nárselerden iytermelew avtoerotizmniń mısalları esaplanadı.
Koncepciyalastırılıwı
[redaktorlaw | derekti redaktorlaw]1977-jılı Mayra T. Jonson tárepinen jazılǵan «Asexual and Autoerotic Women: Two Invisible Groups» atlı maqalada aseksual hayallar menen avtoerotikalıq hayallar salıstırıladı. «Aseksual hayaldıń... hesh qanday jınısıy qálewi joq, biraq avtoerotik hayaldıń... usınday qálewleri bar, biraq olardı jalǵız ózi qanaatlandırıwdı abzal kóredi». Jonsonnıń dáliyli, tiykarınan, avtoerotikalıq hám aseksual hayallar tárepinen redaktorǵa jazılǵan xatlar bolıp tabıladı. Ol olardı kórinbeytuǵın sıpatında súwretleydi, «bar bolmaǵan ekenligi haqqındaǵı kelisim menen ezilgen» hám jınısıy revolyuciya hám feministikalıq háreket tárepinen artta qaldırılǵan. Jámiyet olardın bar ekenligine itibar bermeydi yamasa biykar etedi, yamasa olar diniy sebeplerge baylanıslı nevrotik yamasa siyasiy sebeplerge baylanıslı aseksual bolıwı kerek, dep tastıyıqlaydı[3].
Óz-ózinen islew
[redaktorlaw | derekti redaktorlaw]Ayırım adamlar jalǵız waqtında jasalma penis, vibrator, anal monshaqları hám Sibyan sıyaqlı jınısıy qatnasıq oyınshıqlarınan paydalanadı. Avtokunnilingus dáliyllenbegen, biraq óz penisiniń awız arqalı qozǵatılıwı, yaǵnıy avtofellyaciya erkeklerdiń 1% ten keminde ushırasadı[4]. Bunıń sebebi háreketti ámelge asırıw ushın belgili dárejede iyiliw zárúrliginen.
Qáwipsizlik
[redaktorlaw | derekti redaktorlaw]Ayırım avtoerotikalıq háreketler ólimge alıp keletuǵın qáwipli jollardı óz ishine aladı[5]. Olardan eń belgili erotikalıq asfikciya hám adamnıń ózine qollanatuǵın bondaj. Jaraqatlanıw hám ólim jaǵdaylarında izolyaciya hám járdem beretuǵın adamnıń bolmawı bunday avtoerotikalıq ámeliyatlardı juplıqlar menen ámelge asırılatuǵın ámeliyatlarǵa qaraǵanda qáwiplirek etedi.
Basqa túrlerde
[redaktorlaw | derekti redaktorlaw]Jabayı hám tutqınlıqta ózin-ózi súyiwshiliktiń kóplegen túrleri baqlanǵan. Maymıllar hám delfinler sıyaqlı ayırım túrler avtoerotikalıq maqsetler ushın qurallar jaratqanı belgili.
Derekler
[redaktorlaw | derekti redaktorlaw]- ↑ «Medical Definition of AUTOEROTISM» (en). www.merriam-webster.com. 22-aprel 2009-jılda túp nusqadan arxivlendi. Qaraldı: 29-iyul 2020-jıl.
- ↑ ; Laplanche, JeanThe language of psycho-analysis. London: Karnac Books, 1988 — 45 bet. ISBN 0-946439-49-4.
- ↑ "Asexul and Autoerotic Women: Two Invisible Groups" found in ed. Gochros, H.L.; J.S. Gochros (1977). The Sexually Oppressed. Associated Press. ISBN 978-0-8096-1915-3
- ↑ William Guy; Michael H. P. Finn (1954). A Review of Autofellatio: A Psychological Study of Two New Cases. pp. 354-358.
- ↑ Turvey, Brent E., MS. «AN OBJECTIVE OVERVIEW OF AUTOEROTIC FATALITIES». corpus-delicti.com. Knowledge Solutions LLC. 15-mart 2019-jılda túp nusqadan arxivlendi. Qaraldı: 23-dekabr 2006-jıl.