Ayımbetov Hikmetulla - Gúl

Wikipedia, erkin enciklopediya

Gúl (A.S. Pushkinnen. "Цветок")[redaktorlaw | derekti jańalaw]

Kórip qaldım solǵan bir gúldi,
Umıtılǵan kıtap ishinde.
Janım otlı ármanǵa toldı,
Hám qıynaldım oylı ishinde.

Qay báhárde gúllegen? Qayda?
Zaqım kórgen kimniń qolınan?
Ol jat pa edi, paqır ma, bay ma,
Hám gúl nege bunda qoyılǵan?

Belgisi me ushırasıwdıń,
Ayralıqtıń gúli meken ya?
Gezdi me ya japadan-jalǵız,
Toǵaylarda, tınısh dalada?

Qayda jigit, qayda periyzat,
Soń úy-jaylı boldı ma eken?
Yaki olar waqtı jetpey-aq,
Sırlı gúldey soldı ma eken?

A’debiyatlar[redaktorlaw | derekti jańalaw]

H. Ayımbetov. Tıńlańızlar. Qosıqlar hám poemalar. Nókis: "Qaraqalpaqstan baspası", 1981. - 15-16 betler