Aysanem Yusupova
| Aysánem Yusupova Azatovna | |
|---|---|
 | |
| Tuwılǵan sánesi | 2-yanvar 1997-jılı (28 jasta) |
| Tuwılǵan jeri | Nókis, Qaraqalpaqstan |
| Kásibi | aktrisa |
| Oqıǵan jeri | Ózbekstan mámleketlik kórkem óner hám mádeniyat institutı |
Yusupova Aysanem Azatovna (Айсәнем Юсупова; 1997-jıl 2-yanvar, Nókis) — qaraqalpaqstanlı aktrisa.
Ómirbayanı
[redaktorlaw | derekti redaktorlaw]Aysanem Yusupova 1997-jıl 2-yanvarda Qaraqalpaqstan Respublikası Nókis qalasında tuwılǵan. 2012-jılı mektepti tamamlaǵannan soń, Nókis mámleketlik yuridikalıq kolledjinde oqıǵan. 2020-jılı Ózbekstan mámleketlik kórkem óner hám mádeniyat institutınıń «Teatr hám kino aktyorlıǵı» baǵdarı bakalavrı, 2022-jılı magistratura basqıshın tamamlaǵan[1][2].
Iskerligi
[redaktorlaw | derekti redaktorlaw]Dáslep kásibin qosıqshılıq penen baslaǵan. Aktrisa sıpatında birinshi márte 2017-jılı «Maftuningman 2» filminde bas roldi atqarǵan. 2019-jılı súwretke alınǵan Hilal Nasimov rejissyorlıǵındaǵı «Miyras» filmi menen keń tanılǵan.
Rejissyor Akbar Bekturdiev tárepinen súwretke alınǵan «Ózbek qızı» filmindegi bas rol Aysanem Yusupovanı xalıqaralıq kólemde tanıttı. Usı roli ushın Rossiyada ótkerilgen IV Xalıqaralıq «Lendok» kinofestivalında hám Tájikstanda ótkerilgen «Tajı Saman» II Xalıqaralıq kinofestivalında «Eń jaqsı hayal-qız roli ushın» nominaciyasınıń jeńimpazı bolǵan[1].
Sıylıqları
[redaktorlaw | derekti redaktorlaw]Aysanem Yusupova 2024-jıl «Keleshek bunyadkarı» medalı menen sıylıqlanǵan[3][2].
Filmografiyası
[redaktorlaw | derekti redaktorlaw]| Jıl | Kino | Rol |
|---|---|---|
| 2017-jıl | Maftuningman 2 | Qızlargúl |
| 2018-jıl | Ómir | Lola |
| 2021-jıl | Miyras | Aygúl |
| 2023-jıl | Ózbek qızı[4] | Jamila |
| 2024-jıl | Qartayǵan qız | Sitara |
| Pandemiya[5] | Gúlrux |
Derekler
[redaktorlaw | derekti redaktorlaw]- ↑ 1,0 1,1 «Актриса Айсанем Юсупова ҳақида 17 та аниқ ФАКТ!». yuz.uz. Qaraldı: 8-dekabr 2024-yil.
- ↑ 2,0 2,1 «Aktrisa Aysanem Yusupova "Keleshek bunyadkarı" medalı menen sıylıqlanǵan.». darakchi.uz. Qaraldı: 8-dekabr 2024-yil.
- ↑ «Jaslar kúni múnásibeti menen elimizdiń belsendi hám intaker jas áwladtıń bir toparın sıylıqlaw haqqında». kknews.uz. Qaraldı: 8-dekabr 2024-yil.
- ↑ ««Ózbek qızı» kórkem filmin súwretke alıw jumısları juwmaqlandı». kknews.uz. 21-fevral 2023-jılda túp nusqadan arxivlendi. Qaraldı: 8-dekabr 2024-yil.
- ↑ «Awır temadaǵı awır kino: "Pandemiya" filmine pikir». afisha.uz. Qaraldı: 8-dekabr 2024-yil.