Baekesh Qálimbetov

Baekesh Qálimbetov
Tuwılǵan sánesi	21-dekabr 1934-jılı(1934-12-21) (90 jasta)
Tuwılǵan jeri	Xalqabad, Kegeyli rayonı
Ilimiy tarawı	ádebiyattanıw, ájiniyaztanıw
Jumıs orınları	Nókis poligrafkombinatı N. Dáwqaraev atındaǵı Til hám ádebiyat institutı
Bilim alǵan jeri	Nókis mámleketlik pedagogikalıq institutı (1951-55)
Belgili tezis(ler)i	«Ájiniyaz lirikası» (1982)

Baekesh Qálimbetov (Баекеш Қәлимбетов; 1934-jıl 21-dekabr, Kegeyli rayonı) — ádebiyat izertlewshisi, ájiniyaztanıwshı.

Ómir hám miynet jolı

B. Qálimbetov 1934-jılı 21-dekabrde Kegeyli rayonınıń Xalqabad aymaǵında tuwılǵan. Ol orta mektepti pitkergennen soń, miynet jolın Nókis poligrafkombinatında hárip teriwshi xızmetinen baslaǵan.

B. Qálimbetovtıń birinshi maqalası 1950-jılı «Qızıl Qaraqalpaqstan» gazetasında járiyalanǵan. 1951-55-jılları Nókis mámleketlik pedagogikalıq institutınıń qaraqalpaq tili hám ádebiyatı fakultetinde oqıydı. 1975-jıldan baslap házirgi kúnge shekem Ózbekstan Respublikası Ilimler Akademiyası Qaraqalpaqstan bólimi N. Dáwqaraev atındaǵı Til hám ádebiyat institutında úlken ilimiy xızmetker bolıp islep atır.

B. Qálimbetov Jurnalistler awqamınıń hám 1995-jıldan Jazıwshılar awqamınıń aǵzası.

Ilim jolı

B.Qálimbetov 1982-jılı «Ájiniyaz lirikası» degen temada kandidatlıq dissertaciyasın jaqladı. Ol «Lirika Ajiniyaza» (1991), «XIX ásirdiń akırı XX ásirdiń basındaǵı qaraqalpaq ádebiyatında realizmniń rawajlanıwı» (2005) ilimiy kitapları hám ulıwma orta bilim beriw mektepleriniń 2,3,4,-klassları ushın oqıw kitaplarınıń avtorlarınıń biri.

Awdarmashılıǵı

B. Qálimbetov dúnya xalıqları ádebiyatınan «Tatar xalıq ertekleri»n, orıs fantast jazıwshısı A.A. Belyaevtıń «Professor Doueldin bası» romanın qaraqalpaq tiline awdarǵan. Klassik shayır Ájiniyazdıń «Bir páriy» (1993) kitabın baspadan shıǵardı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0