Batıllıq
Batıllıq uyalshaqlıqtıń qarama-qarsısı. Batıl bolıw táwekelge qaramastan islerdi pitkeriwge tayar bolıwdı bildiredi[1].
Mısalı, jámiyetlik qatnas kontekstinde, batıl adam sociallıq jaǵdaylarda uyat yamasa qabıl etilmew qáwpine barıwǵa, yamasa etiket yaki sıpayılıq qaǵıydaların buzıwǵa tayar bolıwı múmkin. Júdá batıl adam agressiv túrde aqsha sorawı, yamasa birewdi ótinishti orınlawǵa úziliksiz májbúrlewi múmkin.
Batıl sózi sonday-aq betke aytar sóziniń sinonimi retinde qollanılıwı múmkin; mısalı, bala úlkenge húrmetsizlik kórsetkeni yamasa jaman minez-qulıq kórsetkeni arqalı «batıl» bolǵanı ushın jazalanıwı múmkin.
Batıllıq filosofiyalıq qásiyet retinde áyyemgi grekler tárepinen joqarı bahalanǵan[2].
Batıllıqtı mártlik penen salıstırıwǵa boladı, sebebi sońǵısı qorqınıshqa iye bolıwdı, biraq oǵan qarsı turıwdı bildiredi.
Táriyip
Minez-qulıq ekologiyasında, uyalshaq⟷batıl úziliksizligi ol adamlarda hám ayırım basqa túrlerde bolǵanlıqtan izertlenedi. Uyalshaqlıq hám batıllıq «táwekel etiwge beyimlilikti» kórsetedi. Batıl adamlar basım bolıwǵa (ústemlik etiwge) beyim, bul batıllıq penen sociallıq ústemlik arasında baylanıs bar ekenin ashadı[3].
Al batıl sózi — bul qaytpaytuǵın, taysalmaytuǵın, tayınbaytuǵın, ǵayrat, qaysar, er júrekli, kúshli degen mánislerdi bildiredi. Batılı barıw — júreksiniw, batırsınıw. Batıllıq sózine — qaytpawshılıq, tayınbawshılıq, burılmawshılıq, júreklilik, aybatlılıq dep táriyip berilgen.
Derekler
- ↑ Aquinas, Thomas (2005). The Cardinal Virtues. Translated by Regan, Richard J. p. 116.
Is boldness a sin? Boldness is an emotion. But emotion sometimes is moderated by reason and sometimes lacks the measure of reason, whether by excess or deficiency, and emotion is sinful in this respect.
- ↑ Alexander, L., 62. Acts, in Barton, J. and Muddiman, J. (2001), The Oxford Bible Commentary Archived 2017-11-22 at the Wayback Machine, p. 1034
- ↑ Sloan Wilson, David; Clark, Anne B.; Coleman, Kristine; Dearstyne, Ted (1994-11-01). "Shyness and boldness in humans and other animals" (in en). Trends in Ecology & Evolution 9 (11): 442–446. doi:10.1016/0169-5347(94)90134-1. ISSN 0169-5347. PMID 21236920.