Bayron Tájenov
| Bayron Tájenov | |
|---|---|
| Tuwılǵan sánesi | 5-iyul 1941-jılı (84 jasta) |
| Tuwılǵan jeri | Moynaq rayonı |
| Kásibi | ushıwshı |
| Oqıǵan jeri | Puqaralıq aviaciya akademiyası (Leningrad) |
| Ataqları | «Qaraqalpaqstan Respublikasına xızmet kórsetken injener» «Ózbekstan Respublikasınasına miyneti sińgen transport xızmetkeri» |
Bayron Tájenov (tolıq atı: Bayron Orazbaevich Tájenov, 1941-jıl 5-iyul, Moynaq rayonı) — qaraqalpaq milletinen shıqqan dáslepki ushıwshı.
Ómir jolı
[redaktorlaw | derekti redaktorlaw]1959-jılı Saratov wálayatındaǵı Krasnokut puqaralıq aviaciya ushıwshıların tayarlaytuǵın oqıw ornına kiredi hám onı 1961-jılı pitkerip kelip, An-2 samolyotında ekinshi ushqısh bolıp miynet jolın baslaydı. 1964-jılı An-2 samolyotınıń komandiri, 1965-jıldan 1969-jılǵa shekem Moynaq aeroportınıń An-2 samolyotları aviaciyalıq komandiri bolıp isleydi.
B.Tájenov 1969-jılı Leningrad qalasındaǵı puqaralıq aviaciya akademiyasınıń komandalıq fakultetiniń ishki bólimine oqıwǵa kiredi. Onı pitkerip, Nókis avia otryadınıń komandiri bolıp isleydi. Ol 1979-jılı birinshi klass ushıwshı dárejesin aladı. 1984-jılı Il-14 samolyotları aviaciyalıq eskadrilyası komandiri lawazımında, 1988-jılı bolsa ushıw qáwipsizligi boyınsha injener-inspektor bolıp isleydi. B.Tájenov Nókis xalıqaralıq aeroportı direktorı lawazımında pensiya jasına shekem islegen, sońınan injener-inspektor lawazımında 70 jasına shekem isleydi.
Jetisklenlikleri
[redaktorlaw | derekti redaktorlaw]Miynet jolı dawamında «Qaraqalpaqstan Respublikasına xızmet kórsetken injener», «Ózbekstan Respublikasınasına miyneti sińgen transport xızmetkeri» húrmetli ataqlarına iye boladı.
Derekler
[redaktorlaw | derekti redaktorlaw]- Kókti gózlegen suńqar, 2018.
- Erkin Qaraqalpaqstan, 1991.
|
Bul maqalada basqa til bólimlerine siltemeler joq. Olardı tawıp, joybarǵa járdem beriwiniz múmkin. |