Beknazar Ernazarov

Beknazar Ernazarov
Tuwılǵan sánesi	11-avgust 1954-jılı(1954-08-11) (70 jasta)
Tuwılǵan jeri	Taxtakópir rayonı
Dóretiwshilik túri	proza
Oqıǵan jeri	Nókis mámleketlik universiteti
Dóretiwshilik jılları	1972-jıldan
Shıǵarmalarınıń tili	qaraqalpaq tili

Beknazar Ernazarov (Бекназар Ерназаров; 1954-jıl 11-avgust, Taxtakópir rayonı) — jazıwshı hám jurnalist.

Ómirbayanı

B. Ernazarov 1954-jılı 11-avgustta Taxtakópir rayonında tuwılǵan. 1977-jılı Nókis mámleketlik universitetin pitkergen.

Miynet jolın «Qaraqalpaqstan jasları» gazetasınıń xabarshısı bolıp islewden baslaydı.

Sońınan Qaraqalpaqstan Respublikası teleradio kompaniyası redaktorı, «Jetkinshek» gazetasınıń bólim baslıǵı, «Ǵumsha» jurnalınıń bas redaktorı, «Qaraqalpaqstan» baspası bas redaktorınıń orınbasarı, «Qaraqalpaqstan mádeniyatı» gazetasınıń bas redaktorı, Qaraqalpaqstan Jazıwshılar awqamı baslıǵınıń orınbasarı, «Jazıwshı» qorınıń direktorı bolıp isledi.

«Kásiplik bilimlendiriw» gazetasınıń bas redaktorı hám qatar gazeta jurnallardıń shólkemlestiriwshisi.

Ol 1989-jıldan jurnalistler awqamınıń, 2001-jıldan Jazıwshılar awqamınıń aǵzası.

Dóretiwshiligi

Birinshi dóretpesi 1972-jılı «Jas Leninshi» gazetasında járiyalandı. B. Ernazarovtıń «Aq qus» (1992), «Ministrdiń shofyorı» (1994), «Mıń qızdıń ashıǵı» (1995), «Shek» (1997), «Puls izlegen bala» prozalıq kitapları «Qaraqalpaqstan» baspasında basılıp shıqtı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0