Beysbol forması

Wikipedia, erkin enciklopediya
XIX ásirdegi beysbol komandası óz sport forması menen
Fairplay, Colorado baseball team in uniforms, 1899.
Fairplay, Colorado beysbol komandası sport formasında, 1899-jıl

Beysbol forması beysbol oyınshıları, trenerler va menejerler tárepinen kiyiletuǵın formanıń túri. Kóp ǵana beysbol formalarında olardı kiygen oyınshılardıń atları hám forma nomerleri bar bolıp, bul bolsa ádette oyınshılardı bir-birinen parıqlaw ushın formanıń arqa tárepine jazılǵan boladı. Beysbol kóylekleri (maykalar), shalbarlar, ayaq kiyimler, baypaqlar, bas kiyimler hám qolǵaplar beysbol formasınıń bir bólegi esaplanadı. Kóplegen formalarda oyınshılar, rásmiy insanlar hám tamashagóylerge 2 komandanı bir-birinen ajıratıp tanıp alıwǵa járdem beretuǵın hár qıylı logotipler hám reńler bar.

Beysbol formasın birinshi márte 1849-jılda New York Knickerbockers Baseball Club komandası kiygen[1]. Búgingi kúnde beysbol formaları islep shıǵarıw hám olardı satıw arqalı Joqarı liga komandaları úlken muǵdarda dáramat toplap atır.

Tarıyxı[redaktorlaw | derekti jańalaw]

Dáslepki kelip shıǵıwı[redaktorlaw | derekti jańalaw]

Philadelphia Athletics komandası 1874-jılda beysbol forması menen

Nyu-York Knickerbockers komandası 1849-jıl 4-aprelde kók júnnen tigilgen shalbar, aq flanel kóylekler hám sabansımaq shlyapalardan ibarat formada maydanǵa oyınǵa túsken birinshi beysbol komandası edi[2][3]. Tez arada arnawlı beysbol formasın kiyiw ámeliyatı keń tarqaldı hám 1900-jılǵa kelip barlıq tiykarǵı Beysbol Ligası komandaları bul ámelge maslastı[4]. 1882-jılda formalardıń tiykarǵı bólegi ayaqtan dizege shekem bolǵan baypaqlardı óz ishine alǵan hám de bunnan bir komandanı basqasınan ajıratıp alıw maqsetinde paydalanılǵan. Formalardıń ózi bolsa beysbol pozitsiyaların sáwlelendiriwshi hár qıylı reńler hám belgilerge iye edi[5]. 1880-jıllardıń aqırlarına kelip National Leauge dıń Detroit Wolveriness, Washington Nationals hám American Associationnıń Brooklyn Bridegrooms komandaları birinshi bolıp sızıqlı forma kiyiwdi baslap beredi[6].

Óz úyinde hám saparda kiyiletuǵın formalar[redaktorlaw | derekti jańalaw]

XIX ásirdiń aqırlarına kelip, komandalarda eki qıylı beysbol forması bar edi, biri ózleriniń beysbol stadionidalarında oynaǵanda, basqasın bolsa saparda oynaǵanda kiyetuǵın edi. Óz úylerinde aq reńli, saparda bolsa kúlreń, toq kók yamasa qara reńli forma kiyiw ádetiy halǵa aynalǵan edi. Buǵan 1907-jılda sapar forması ushın kók belgiden paydalanıwdı baslaǵan Brooklyn Superbas komandası mısal bola aladı.

Jeff Tesreau, New York Giantstıń sızıqlı beysbol formasın kiyip turǵan beysbol oyınshısı, shama menen 1912-18-jıllar
Oakland Athletics rásmiy bolmaǵan beysbol kepkasi.

Kepkalar yamasa basqa túrdegi kózdi saya etip turıwshı bas kiyimler ázelden beysbol formalarıń bir bólegi bolıp kelgen[7][8].

1840-jıllardan 1870-jıllarǵa shekem beysbolshılar hár túrlı túrdegi shlyapalar kiyip yamasa geyde bas kiyimsiz de júrer edi, sebebi bas kiyim kiyiw haqqında hesh qanday rásmiy qaǵıyda joq edi[9]. Mısalı, boating caps, jockey caps, cycling caps hám ústki tárepi tegis hám qırlı bolǵan straw hats usılar mısalınan edi[10].

Brooklyn Excelsiors jkomandası 1860-jıllarda ayrıqsha domalaq tóbeli, zamanagóy beysbol qalpaǵın kiygen birinshi komanda edi[11][12]. Jigirmalanshı ásirdiń baslarına kelip, bul túrdegi qalpaqlar keń tarqalǵan edi, biraq New York Giants jámááti 1916-jılda hám Pittsburgh Pirates komandası 1979-jılda ústingi tárepi tegis bolǵan bas kiyimdi qayta qayta tiklewge háreket qıldı[13]. Waqıt ótiwi menen oyınshınıń kózlerin quyash nurlarınan qorǵaw ushın bas kiyiminiń aldınǵı tárepi azmaz úlkenlestirilgen[14]. Sońǵı payıtlarda bolsa, oyınshılar suwıq hawada qulaqlardı jawıp turatuǵın bas kiyimler kiygen.

Derekler[redaktorlaw | derekti jańalaw]

  1. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  2. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  3. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  4. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  5. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  6. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  7. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  8. ↑ . http://news.bbc.co.uk/2/hi/uk_news/magazine/3660333.stm. 
  9. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  10. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  11. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  12. ↑ . https://www.usatoday.com/sports/baseball/2006-07-25-cap_x.htm. 
  13. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.
  14. ↑ {{Web deregi}} úlgisinen paydalanıwda bet= parametrin belgilewińiz kerek. „{{{title}}}“.

Siltemeler[redaktorlaw | derekti jańalaw]

"https://kaa.wikipedia.org/w/index.php?title=Beysbol_forması&oldid=49158" saytınan alınǵan