Cypress Hill
 Sen Dog, Eric Bobo hám B-Real (2015-jıl) | |
| Tiykarǵı maǵlıwmatlar | |
|---|---|
| Saxna atı | DVX (1988) |
| Tuwılǵan waqtı | |
| Janrlar | Vest-Koust hip-hop, gangsta rap, rap rock |
| Kásibi | Hip-hoptop |
| Iskerlik jılları | 1988–házirgi waqıt |
| Leybl | Ruffhouse, Columbia, Priority, EMI |
| Veb-saytı | cypresshill.com |
Cypress Hill — 1988-jılı Kaliforniyanıń Saut-Geyt qalasında shólkemlesken amerikalı hip-hop toparı. Olar hip-hop tarawında keń tanımalılıqqa iye bolǵan dáslepki Latın Amerikası toparlarınıń biri esaplanadı. Dúnya júzi boyınsha 20 millionnan aslam albom satqan[1]. 2019-jılı Cypress Hill Gollivudtıń ataqlıq xiyabanında óz juldızına iye bolǵan dáslepki hip-hop toparına aylandı[2].
Tariyxı
[redaktorlaw | derekti redaktorlaw]Topar aǵzaları Senen Reyes (Sen Dog) hám Ulpiano Sergio Reyes (Mellow Man Ace) Kubada tuwılǵan aǵa-ini bolıp, olardıń shańaraǵı 1971-jılı AQShqa kóship ótken. 1988-jılı olar Lawrence Muggerud (DJ Muggs) hám Louis Freese (B-Real) menen birlesip, DVX dep atalǵan topar qurdı. Kóp ótpey Mellow Man Ace toparınan ketip, jeke karyerasın basladı hám topar atı Saut-Geyttegi kóshe atına baylanıslı Cypress Hill dep ózgertildi[3].
Topardıń 1991-jılı shıqqan dáslepki Cypress Hill albomı hám «How I Could Just Kill a Man» singlı úlken jetiskenlikke eristi. Albom tek AQShtıń ózinde 2 millionnan aslam nusqada satıldı. 1993-jılı shıqqan ekinshi Black Sunday albomı Billboard 200 chartında 1-orınǵa shıqtı. Albomdaǵı «Insane in the Brain» qosıǵı dúnya júzilik xitke aylanıp, toparǵa dáslepki Grammy nominaciyasın alıp keldi[2].
2000-jıllarda topar rep hám rok muzıka janrların birlestiriw boyınsha tájiriwbeler ótkerip, Skull & Bones (2000) hám Stoned Raiders (2001) albomların shıǵardı. 2010-jılı shıqqan Rise Up albomında Tom Morello, Pitbull hám Mike Shinoda sıyaqlı ataqlı muzıkantlar qatnasıqtı. 2026-jıldıń dáslepki aylarında topar ózleriniń tolıq ispan tilindegi 11-studiyalıq albomı bolǵan Dios Bendiga albomın 2026-jıl 24-iyulda shıǵaratuǵının járiyaladı[4].
Studiyalıq albomları
[redaktorlaw | derekti redaktorlaw]- Cypress Hill (1991)
- Black Sunday (1993)
- III: Temples of Boom (1995)
- IV (1998)
- Skull & Bones (2000)
- Stoned Raiders (2001)
- Till Death Do Us Part (2004)
- Rise Up (2010)
- Elephants on Acid (2018)
- Back in Black (2022)
- Dios Bendiga (2026)
Derekler
[redaktorlaw | derekti redaktorlaw]- ↑ Edwards, Paul, 2009, How to Rap: The Art & Science of the Hip-Hop MC, Chicago Review Press, p. 316.
- 1 2 „Cypress Hill Get a Star on Hollywood Walk of Fame: 'Seeing This Here, It Is an Honor'“. Billboard. Qaraldı: March 4, 2021.
- ↑ Cypress Hill – Biography, Whiplash, April 12, 2011
- ↑ Cypress Hill Announces Highly Anticipated New Spanish Language Album, Cypress Hill Official, 2026
