Dániyar Belasarov

Dániyar Belasarov
Tuwılǵan sánesi	25-fevral 1952-jılı(1952-02-25) (73 jasta)
Tuwılǵan jeri	Xojeli rayonı
Dóretiwshilik túri	proza, publicistika
Oqıǵan jeri	Alma-Ata Politexnikalıq institutı Moskva injenerlik qurılıs institutı
Dóretiwshilik jılları	1970-jıllardıń baslarınan
Ataqları	«Qaraqalpaqstan Respublikasına miyneti sińgen jaslar ustazı»
Sıylıqları	Greciya xalıqaralıq Akademiyası sıylıǵı

Dániyar Belasarov (1952-jıl 25-fevral) — jazıwshı hám publicist.

Ómir hám miynet jolı

D. Belasarov 1952-jılı 25-fevralda Xojeli rayonında tuwılǵan. Ol 1977-jılı Alma-Ata Politexnikalıq institutın, 1983-jılı Moskva injenerlik qurılıs institutın tamamlaydı. Soń Xalıqaralıq Akademiyanıń yuridika fakultetin sırttan oqıp pitkergen. 1977-jıldan Taqıyatas rayonındaǵı ońlaw-mexanika zavodında cex baslıǵı bolıp jumıs islewden baslaydı. Házirgi waqıtta ol Qaraqalpaqstan Respublikası Ministrler Keńesinin sociallık rawajlanıw bóliminde juwaplı xızmetker bolıp isleydi hám «Qasharman top» Federaciyasınıń Prezidenti.

D. Belasarov 2006-jıldan Jazıwshılar awqamınıń aǵzası.

Dóretiwshiligi

D. Belasarovtıń dáslepki shıǵarmaları 70-jıllardıń baslarında jarıq kórdi. Házirge shekem onıń «Er Qosay» (1996), «Satıpaldı palwan» (2000), «Tabın shejiresi» (2001), «Ádil batır kim edi» (2006), «Qasharman top» (2007) sıyaqlı gúrriń hám publicistikalıq shıǵarmaları kitap bolıp shıqtı.

Awdarmashılıǵı

D. Belasarov Tacittin, L. Gumilevtıń, Murad Adjidin, P.Ivanovtıń shıǵarmaların qaraqalpaq tiline awdarǵan. Jazıwshınıń bir qatar shıǵarmaları ózbek hám qazaq tillerine awdarılǵan.

Jetiskenlikleri

D. Belasarov «Qaraqalpaqstan Respublikasına miyneti sińgen jaslar ustazı» hám Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan. Greciya xalıqaralıq Akademiyası sıylıǵınıń laureatı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0