Dáwlen Aytmuratov
| Dáwlen Aytmuratov | |
|---|---|
| Tuwılǵan sáne | 3-may 1933-jılı (92 jasta) |
| Tuwılǵan jeri | Erkindárya awılı |
| Dóretiwshilik túri | poeziya, awdarma, dramaturgiya |
| Dóretiwshilik jılları | 1958 — házirge shekem |
| Ataqları | «Qaraqalpaqstan Respublikasına miyneti sińgen mádeniyat xızmetkeri» |
Dáwlen Aytmuratov — shayır, dramaturg hám alım.
Ómir jolı
[redaktorlaw | derekti redaktorlaw]Dáwlen Aytmuratov 1933-jılı 3-mayda Qusxana tawınıń qubla tárepinde, Erkindárya aymaǵında tuwılǵan.
1962-jılı Moskvadaǵı A.M. Gorkiy atındaǵı ádebiyat institutın tamamlap, 1962-1973-jılları «Ámiwdárya» jurnalınıń bólim baslıǵı bolıp isleydi, «Jetkinshek» gazetasında xızmet atqaradı. 1974-1976-jılları Almatıda «Qazaqfilm» kinostudiyasında, 1976-jıldan baslap N. Dáwqaraev atındaǵı Til hám ádebiyat institutında ilimiy xızmetker, aǵa ilimiy xızmetker lawazımlarında isleydi.
D. Aytmuratov 1969-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Shayırdıń dáslepki qosıqları 1958-jıldan baslap jarıq kórdi. Onıń baspada «Qosıq hám tımsallar» (1960), «Aǵar dárya» (1965), «Tımsallar» (1975), «Men shınlıqtı súydim, olsız hesh nársede qádir yoq» (1990) degen toplamları hám «Yalǵanshınıń isi», sońınan «Aqmaqlıq dúnyasında» (1990) atlı komediyası járiyalandı hám «Pir qaqqan» komediyası teatr saxnasına qoyıldı.
Ilim jolı
[redaktorlaw | derekti redaktorlaw]D. Aytmuratov tariyx, til bilimi tarawında 1986-jılı «Tyurkskie etnonimi» atlı kólemli izertlewin bastırıp shıǵardı.
Awdarma
[redaktorlaw | derekti redaktorlaw]Ol Е.Rotterdamskiy, T. Shevchenko, M.Yu. Lermontov, S.A.Esenin, V. V. Mayakovskiy, A.Nawayı, Hafız, Sh. Rustaveli shıǵarmaların qaraqalpaq tiline awdardı.
Jetiskenlikleri
[redaktorlaw | derekti redaktorlaw]D.Aytmuratov «Qaraqalpaqstan Respublikasına miyneti sińgen mádeniyat xızmetkeri» húrmetli ataǵına iye.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык маглыўмат) / нашрга тайёрловчи 3. Бекбергенова -T .: Extremum press , 2011. 240 бет.