Kontentke ótiw

Dáwletmurat Tájimuratov

Wikipedia — erkin enciklopediya
Dáwletmurat Tájimuratov
Tuwılǵan sánesi27-mart 1979(1979-03-27)[1] (46 jasta)
Tuwılǵan jeriNókis, Qaraqalpaqstan ASSR, Ózbekstan SSR, SSRA
Kásibijurnalist  • bloger

Dáwletmurat Tájimuratov (tolıq atı: Dáwletmurat Tájimuratov Mırzamuratovich, 1979-jıl 27-mart, Qaraózek rayonı, QQASSR, ÓzSSR) — qaraqalpaq yuristi hám jurnalisti, jámiyetlik isker. 2023-jılda Ózbekstan húkimeti tárepinen 16 jılǵa azatlıqtan ayrılǵan.

Dáwletmurat Tájimuratov Qaraqalpaqstan Respublikasınıń shetki aymaqlarına gaz alıp barıwda járdem bergeni, mútájlerge biypul advokatlıq qılǵanı hám Qaraqalpaqstandaǵı mehribanlıq úylerine járdem bergenligi haqqında maǵlıwmatlar bar[2][3]. Usınday alıp barǵan iskerlikleri nátiyjesinde Qaraqalpaqstanda bloger sıpatında húrmet-itibarǵa iye bolǵanlıǵı aytıladı. Dáwletmurattıń sudqa bergen dawalarıda onıń keń jámáátshilikge tanılıwına sebep bolǵan. 2019-jıl yanvar ayında Tájimuratov «Zor TV» telekanalın balalar ushın jınısıy tárbiya haqqındaǵı kórsetiwi ushın sudǵa beriw niyetinde ekenligin málim etken[4], 2021-jılda qosıqshı Yulduz Usmanova ústinen qaraqalpaqlar «ózbekler shapanı astında jasap atırǵan xalıq» degen sózleri sebebinen sudqa bergen[5]. Tájimuratov 2022-jılı óziniń telegram kanalın ashıp, «ǵárezsiz jurnalist» sıpatında iskerlik kórsete baslaǵan.

2022-jıl iyun ayı aqırında Ózbekistan húkimeti Qaraqalpaqstannıń suveren respublika statusınan ayıratuǵın konstituciyanı jańalaw haqqında qarar qabıllaǵanda, Tájimuratov óziniń táreptarların 5-iyul kúni ótkiziletuǵın tınısh mitingge shaqırdı hám bul háreketinen keyin húkimet organları menen kelisip alındı[6]. Keyin, Tájimuratovtıń sózlerine kóre, ol qáwipsizlik kúshleri tárepinen shantajǵa ushıraǵan, Evropada qáwipsizlik hám Birge islesiw shólkemi, BMSh, AQSh, Ullı Britaniya, Germaniya elshixanaları hám Nyu-Yorktaǵı Jurnalistler huquqların qorǵaw komitetine shaǵımların jibergen[7]. Sońınan, bloger qamaqqa alındı hám narazılıq bildiriwshiler onı azat qılıwdı talap etiwi menen Tájimuratov azatlıqǵa shıǵarıldı. 1-iyul kúni ol Joqarǵı Keńes baslıǵı Murat Kamalov penen birge narazılıq bildiriwshilerdıń aldında sózge shıqtı. Tájimuratov alıp barǵan miting ele dawam etetuǵınlıǵı járiyalandı[8].Keyin Ózbekistan oraylıq hákimiyatı narazılıqlardı bastırdı hám Tájimuratov júz bergen islerge tiykarǵı gúmandar sıpatında ayıplanıp 16 jılǵa azatlıqtan ayrıldı[9][10].

  1. ↑ https://tmhelsinki.org/article/819e979d-4c71-4c0b-b737-fe7cadadbbde.
  2. ↑ «Адвокат Тажимуратова подал апелляцию в Верховный суд» (ru). gazeta.uz (28-fevral 2023-jıl).
  3. ↑ «События в Нукусе: адвокат осуждённого активиста Тажимуратова подал апелляцию в Верховный суд» (ru). Радио Азаттық (1-mart 2023-jıl).
  4. ↑ «Журналист хочет подать в суд на телеканал «Zo’rTV»». 3-iyul 2022-jılda túp nusqadan arxivlendi. Qaraldı: 3-iyul 2022-jıl.
  5. ↑ «Каракалпаки, живущие «под чапаном узбеков»». 11-iyul 2022-jılda túp nusqadan arxivlendi. Qaraldı: 3-iyul 2022-jıl.
  6. ↑ The Moscow Times на русском. «В Узбекистане вспыхнули протесты накануне «обнуления» сроков президента» (ru). The Moscow Times на русском (1-iyul 2022-jıl). 1-iyul 2022-jılda túp nusqadan arxivlendi. Qaraldı: 2-iyul 2022-jıl.
  7. ↑ «Узбекистан затрещал от поправок Конституции. Каракалпакия захотела отделиться». 11-iyul 2022-jılda túp nusqadan arxivlendi. Qaraldı: 3-iyul 2022-jıl.
  8. ↑ «В Каракалпакстане прошли протесты против поправок о статусе автономной республики». 11-iyul 2022-jılda túp nusqadan arxivlendi. Qaraldı: 3-iyul 2022-jıl.
  9. ↑ uz, Kun «Davletmurat Tajimuratov 16 yilga ozodlikdan mahrum qilindi» (uz). Kun.uz. Qaraldı: 14-oktyabr 2023-jıl.
  10. ↑ «Тажимуратов рассказал, что предшествовало его призыву к митингу» (ru). Газета.uz (3-dekabr 2022-jıl). Qaraldı: 3-dekabr 2022-jıl.
«https://kaa.wikipedia.org/w/index.php?title=Dáwletmurat_Tájimuratov&oldid=162467» saytınan alınǵan