Distriya Krasnichi
| Distriya Krasnichi | |
|---|---|
.jpg) | |
| Jeke maǵlıwmatları | |
| Jınısı | hayal |
| Puqaralıǵı | Úlgi:Bayraqlastırıw/Kosovo |
| Tuwılǵan sánesi | 1995-jıl 10-dekabr |
| Boyı | 155 sm |
| Sport | |
| Sport túri | dzyudo |
Distriya Krasnichi (1995-jıl 10-dekabr, Pech, Kosovo) — kosovolı dzyudoshı -48 kg salmaq kategoriyasında 2020-jılǵı Olimpiada oyınlarınıń chempionı, 52 kg salmaq kategoriyasında 2024-jılǵı jazǵı Olimpiada oyınlarınıń gúmis medal iyesi. 2021, 2024 hám 2025-jıllarda úsh márte Evropa chempionı. Evropa hám jáhán chempionatlarınıń jeńimpazı.
Biografiyası
[redaktorlaw | derekti redaktorlaw]1995-jılı tuwılǵan. Ol jeti jasında aǵasınıń baslaması menen dzyudo menen shuǵıllanıwdı baslaǵan.
2018-jılı Izrailda ótkerilgen Evropa chempionatında 52 kilogrammǵa shekemgi salmaq kategoriyasında finalda rossiyalı Natalya Kuzyutinaǵa jol berip, gúmis medaldı qolǵa kirgizdi.
2019-jılı Tokioda bolıp ótken Olimpiadaǵa shekemgi jáhán chempionatında bronza ushın gúresiwde ispaniyalı sportshı Laura Martinesti jeńip, bronza medalın qolǵa kirgizdi.
2020-jılı noyabr ayında Chexiya paytaxtında ótkerilgen Evropa chempionatında Distriya turnir bronza medalın qolǵa kirgiziwge eristi. Sherek finalda bolajaq Evropa chempionı francuz Shirin Bukliǵa utıldı.
2021-jıldıń aprel ayında Portugaliya paytaxtı Lissabonda bolıp ótken Evropa chempionatında 48 kilogrammǵa shekemgi salmaq kategoriyasında Distriya finalǵa shıǵıp, kontinent chempionı boldı. Finalǵa shıqqan ukrainalı dzyudoshı Darya Beloded bellesiwge shıqpadı[1].
Krasnichi 2020-jılǵı jazǵı Olimpiada oyınlarında Kosovonı qorǵadı, bul onıń karyerasındaǵı debyut boldı. Jarıs nátiyjelerine muwapıq, ol 48 kilogrammǵa shekemgi salmaq kategoriyasındaǵı final bellesiwinde yaponiyalı Funa Tonakidi jeńip shıǵıp, altın medaldı qolǵa kirgizdi[2].
Parijde ótkerilgen 2024-jılǵı jazǵı Olimpiada oyınlarında -52 kg salmaq kategoriyasında Distriya finalda ózbekstanlı sportshı Diyora Keldiyorovadan jeńilip, gúmis medaldı qolǵa kirgizdi.
2025-jıldıń aprel ayında Podgoric qalasında ótkerilgen Evropa chempionatında 52 kg salmaq kategoriyasında altın medaldı qolǵa kirgizdi. Finallıq bellesiwde italiyalı qarsılası Odetta Juffridanı jeńdi.
2025-jıldıń iyun ayında Budapeshtte ótkerilgen jáhán chempionatında 52 kilogrammǵa shekemgi salmaq kategoriyasında gúmis medaldı qolǵa kirgizdi. Jeńimpazlıq ushın bellesiwde yaponiyalı qarsılası Uta Abeǵa jol berdi[3].
Derekler
[redaktorlaw | derekti redaktorlaw]- ↑ «Дзюдо. ЧЕ-2021. Красники выиграла золото на отказе Белодед». prosportua.com (16-aprel 2021-jıl). 24-iyul 2021-jılda túp nusqadan arxivlendi. Qaraldı: 24-iyul 2021-jıl.
- ↑ «Judo-Kosovo's Krasniqi wins first judo gold medal at Tokyo 2020». Reuters (24-iyul 2021-jıl). 29-iyul 2021-jılda túp nusqadan arxivlendi. Qaraldı: 24-iyul 2021-jıl.
- ↑ «У Японии третье золото, итоги второго дня ЧМ-2025 по дзюдо» (ru). sportaran.com. Qaraldı: 15-iyun 2025-jıl.