Kontentke ótiw

Edvard Preskott

Wikipedia — erkin enciklopediya
Preskott Edvard
Tuwılǵan sánesi26-dekabr 1940(1940-12-26)[1][2][3][4]
Tuwılǵan jeriGlens Falls, AQSh
Qaytıs bolǵan sánesi6-noyabr 2022(2022-11-06)[5][6][7] (81 jasta)
SıylıqlarıEkonomika boyınsha Nobel sıylıǵı (2004)

Preskott (RgezsoI) Edvard (1940-jıl 26-dekabr, AQSh, Nyu-York — 2022-jıl 6-noyabr) — amerikalı ekonomist. Ol 2004-jılı ekonomika boyınsha Nobel sıylıǵın «dinamikalıq makroekonomika: ekonomikalıq siyasattıń waqıt boyınsha izbe-izligi hám isbilermenlik ciklleriniń háreketlendiriwshi kúshlerine qosqan úlesleri ushın» Finn E.Kidland penen birgelikte aldı. Bul izertlewler tiykarınan Kidland hám Preskott Karnegi Mellon universiteti janındaǵı Sanaat hákimshiligi joqarı mektebi (házirgi Tepper biznes mektebi) menen baylanısqan waqıtta ámelge asırıldı. IDEAS/RePEc reytingine muwapıq, ol 2013-jılı dúnyadaǵı eń kóp tilge alınǵan 19-ekonomist edi. 2014-jıldıń avgust ayında Preskott Avstraliyanıń Kanberra qalasındaǵı Avstraliya milliy universitetinde (ANU) ekonomikanıń járdemshi húrmetli professorı lawazımına tayınlandı. Preskott 2022-jıl 6-noyabr kúni 81 jasında rak keselliginen qaytıs boldı[8][9][10].

Preskott Nyu-York shtatınıń Glens-Fols qalasında Matilda Xelvig Preskott hám Uilyam Klayd Preskott tuwılǵan. 1962-jılı ol Swarthmore kolledjinde matematika boyınsha bakalavr dárejesin aldı, ol jerde Delta Upsilon birlespesiniń aǵzası boldı. Keyin ol 1963-jılı Keys Uestern Rezerv universitetinde operaciyalıq izertlewler boyınsha magistrlik dárejesin hám 1967-jılı Karnegi Mellon universitetinde ekonomika boyınsha PhD dárejesin aldı.

1966-jıldan 1971-jılǵa shekem Preskott Pensilvaniya universitetinde sabaq bergen. Keyin ol 1980-jılǵa shekem Karnegi Mellonǵa qaytıp keldi, keyin Minnesota universitetine kóshti hám ol jerde 2003-jılǵa shekem sabaq berdi. 1978-jılı Chikago universitetinde vizit professorı bolıp, ol jerde Ford fondınıń izertlew professorı atandı. Keyingi jılı Arqa-batıs universitetine barıp, 1982-jılǵa shekem usı jerde boldı[11][12]. 2003-jıldan Arizona mámleketlik universitetinde oqıtıwshı boldı.

Preskott 1981-jildan Minneapolis Federal rezerv bankiniń ekonomikalıq másláhátshisi bolǵan[13]. 2004-jılı ol Santa-Barbara qalasındaǵı Kaliforniya universitetinde Maksvell hám Meri Pellish atındaǵı ekonomika kafedrasın basqarǵan[14]. 2006-jılı Nyu-York universitetinde Shinsei bankiniń professorı lawazımında islegen. 2014-jil avgustta Preskott Avstraliya Milliy universitetiniń Ekonomika izertlew mektebiniń (RSE) járdemshi húrmetli professorı lawazımına tayınlandı[15].

  1. ↑ Edward C. Prescott // SNAC (ing.). 2010.
  2. ↑ Edward C. Prescott // Encyclopædia Britannica (ing.).
  3. ↑ Edward C. Prescott // Brockhaus Enzyklopädie (alm.).
  4. ↑ Edward Prescott // Munzinger Personen (alm.).
  5. ↑ So terribly sad that we lost Ed Prescott (Econ Nobel '04) today after a long battle with cancer. 2006.
  6. ↑ https://news.asu.edu/20221107-asu-mourns-loss-nobelwinning-economist-edward-prescott.
  7. ↑ Find a Grave (ing.). 1996.
  8. ↑ Risen, Clay (23 November 2022). "Edward C. Prescott, 81, Dies; Won Nobel for Studying Business Cycles". The New York Times. https://www.nytimes.com/2022/11/23/business/edward-c-prescott-dead.html.
  9. ↑ «Edward C Prescott (1940–2022): Economist, Teacher, Mentor and Friend». University of Minnesota – College of Liberal Arts. Qaraldı: 8-noyabr 2022-jıl.
  10. ↑ "Edward Prescott, Nobel Prize Winning Economist, Dies at 81". Bloomberg. 7 November 2022. https://www.bloomberg.com/news/articles/2022-11-07/edward-prescott-nobel-prize-winning-economist-dies-at-81.
  11. ↑ «Edward C. Prescott – Autobiography». Nobelprize.org. Qaraldı: 19-oktyabr 2010-jıl.
  12. ↑ «Staff Faculty – Directory – W.P. Carey School of Business». Wpcarey.asu.edu (8-iyul 2010-jıl). Qaraldı: 19-oktyabr 2010-jıl.
  13. ↑ «Staff Details: Edward C. Prescott, Senior Monetary Advisor». Federal Reserve Bank of Minneapolis. 9-may 2013-jılda túp nusqadan arxivlendi. Qaraldı: 1-sentyabr 2014-jıl.
  14. ↑ «Finn E. Kydland – 2004 Nobel Prize in Economics». Ucsb.edu. 15-oktyabr 2010-jılda túp nusqadan arxivlendi. Qaraldı: 19-oktyabr 2010-jıl.
  15. ↑ Australian National University
«https://kaa.wikipedia.org/w/index.php?title=Edvard_Preskott&oldid=184881» saytınan alınǵan