Ejen de Bogarne

Ejen de Bogarne
francuzsha Eugène de Beauharnais
Leyxtenberg gercogi hám Eyxshett shahzadası
Wákillik dáwiri 1817-jıl 14-noyabr — 1824-jıl 21-fevral
Aldınǵı isker	lawazım shólkemlestirildi
Keyingi isker	Ogyust Bogarne
Frankfurt ullı gercogı
Wákillik dáwiri 1813-jıl 28-oktyabr — 3-noyabr
Aldınǵı isker	Karl Teodor Dalberg
Keyingi isker	lawazım biykar etildi
Italiya vice-koroli hám Veneciya shaxzadası (1807-jıldan)
Wákillik dáwiri 1805-jıl 17-mart — 1814-jıl 11-aprel
Monarx	Napoleon I
Aldınǵı isker	lawazım shólkemlestirildi
Keyingi isker	lawazım biykar etildi
Reyn awqamı priması
Wákillik dáwiri 1813-jıl — 1813-jıl
Monarx	Napoleon I
Aldınǵı isker	Karl Teodor Dalberg
Keyingi isker	joq
Jeke maǵlıwmatları
Tuwılǵan sáne	1781-jıl 3-sentyabr
Tuwılǵan jeri	Parij, Franciya patshaliǵi
Qaytıs bolǵan sáne	1824-jıl 21-fevral (42 jasta)
Qaytıs bolǵan jeri	Myunxen, Bavariya patshaliǵi
Dinastiyası	Bogarne
Ómirlik joldası	Avgusta Amaliya Bavariyalı
Balaları	Jozefina (1807—1876) Evgeniya (1808—1847) Ogyust (1810—1835) Ameliya (1812—1873) Teodelinda (1814—1857) Karolina (1816) Maksimilian (1817—1852)
Anası	Jozefina de Bogarne
Ákesi	Aleksandr de Bogarne Napoleon I (ógey ákesi)
Qolı

Ejen de Bogarne (francuzsha Eugène Rose de Beauharnais; 1781-jıl 3-sentyabr, Parij — 1824-jıl 21-fevral, Myunxen) — Napoleonnıń ógey balası, Italiya vice-koroli, iri áskerbası, diviziya generalı (1804-jıl 17-oktyabrden), atlı saqshılar general-polkovnigi (1804-jıl 6-iyuldan 1805-jıl 1-fevralǵa shekem), imperator gvardiyası atlı saqshıları komandiri (1802-jıl 13-oktyabrden 1808-jıl 18-yanvarǵa shekem).

Biografiyası

1781-jılı 3-sentyabrde Parijde tuwılǵan. Napoleonnıń birinshi hayalı Jozefina de Bogarnenıń jalǵız balası. Onıń ákesi vikont Aleksandr de Bogarne revolyuciyalıq armiya generalı edi. Terror jıllarında onı nahaqtan satqınlıqta ayıplap, óltirip taslanǵan.

Anasınıń 1796-jılı Napoleon Bonapart penen nekesinen keyin ógey ákesi hám ájapası Gortenziya tárepinen asırap alındı.

1805-jıl 1-fevralda Franciya imperiyası shahzadası, 1805-jıl 2-fevralda — Húrmetli legion ordeni, 1805-jıl 7-iyunde — Italiya vice-koroli ataqların aldı.

E. Bogarne 24 jasında Italiyanıń haqıyqıy húkimdarı (korol ataǵın Napoleonnıń ózi iyelegen) bolǵan. Biraq ol mámleketti jeterli dárejede bekkem basqara aldı: Puqaralıq kodeksin ámelge kirgizdi, armiyanı qayta shólkemlestirdi, mámleketti kanallar, bekinisler hám mektepler menen támiyinledi hám óz xalqınıń muhabbatı hám húrmetine eristi.

1805-jılı Temir taj ordeniniń úlken krestin hám Bavariya Áwliye Gubert ordeniniń úlken krestin aldı. Ol 1805-jıl 23-dekabrde Veneciyanı qorshap turǵan korpus bas sárkardası, 1806-jıl 3-yanvarda Italiya armiyası bas sárkardası, 1806-jıl 12-yanvarda Veneciya general-gubernatori lawazımlarına tayınlandı.

Graf Lui-Filipp Segyur tárepinen tayarlanǵan Italiya vice-korolinıń taj kiydiriw máresimi 1805-jıl 26-mayda Milan soborında bolip ótti. Koronaciya kiyimleri ushın jasıl hám aq reńler tańlap alındı. Portretlerde súwretshiler A.Appiani hám F.Jerar bul sán-saltanatlı lipaslardı sáwlelendirdi. Ájayıp pishiw hám sheberlik penen orınlanıwdıń birigiwi kostyumnıń súwretshi Jan-Batist Izabe tárepinen usınılǵan hám imperatordıń ózi tárepinen tastıyıqlanǵan modellerden paydalanıp, Napoleon I nıń taj kiyimlerin tayarlaw boyınsha buyırtpalardı orınlaǵan saray kesteshi Piko ustaxanasında islengen dep boljawǵa imkaniyat beredi. Plashta Húrmetli legion hám Temir taj ordenleriniń juldızları tikilgen. (Shańaraq esteligi sıpatında kishi koronacion kostyum keyin ala Rossiyaǵa gercog Maksimilian Leyxtenberglı tárepinen alıp kelingen; házirgi waqitta ol Sankt-Peterburgtaǵı Ermitaj jıyınlarınıń bir bólegi bolip, Bas shtab imaratında kórsetilmekte).