Er Qosay dástanı

«Er Qosay» dástanınıń Qurbanbay jıraw variantı 1938-jılı Sádirbay Máwlenov hám Shámshet Xojaniyazov tárepinen jazıp alınǵan. Házir dástannıń latın hám kirill grafikasındaǵı eki tekstti ÓzRIAQB qoljazbalar fondında saqlanadı. Bul eki tekst te tekstologiyalıq jaqtan bir-birinen ayırmashılıqqa iye emes. Latın grafikasındaǵı tekst 121 betten (P-138 No37424), kirill grafikasındaǵı-117 betten (P-138 No1089) ibarat. Dastannıń bul variantı 1987-jılı «Qaraqalqap folklorı» kóp tomlıǵınıń 17=tomında baspadan shıǵarıldı. Bul qaraqalpaq qaharmanlıq dástanlarınıń ishinde belgili dárejede óz aldına salmaǵı bar, xalıqtıń ótmishtegi tariyxınıń túrli tárepleriniń úrp-ádetlerin, turmısın sáwlelendiretuǵın dástanlardıń biri bolıp esaplanadı.