Esbergen Ótepbergenli
| Esbergen Ótepbergenli | |
|---|---|
| Esenbay Qunnazarov | |
 | |
| Tuwılǵan sánesi | 1944-jılı |
| Tuwılǵan jeri | Qarakempir kóliniń etegi, Bozataw rayonı |
| Ilimiy tarawı | Filologiya, german tilleri |
| Jumıs orınları |
|
| Bilim alǵan jeri | |
| Ilimiy dárejesi | Filologiya ilimleriniń kandidatı |
| Ilimiy ataǵı | docent |
| Belgili tezis(ler)i | «Лексико-семантическая структура глаголов действия в немецком и каракалпакском языках» (1991) |
| Ilimiy basshısı | N.G. Aǵazade, R.I. Mogilevskiy |
Esbergen Ótepbergenli (Есберген Өтепбергенли; 1944, Bozataw rayonı) — jazıwshı, ilimpaz. Filologiya ilimleriniń kandidatı, docent. German tilleri boyınsha belgili qánige.
Ómir hám miynet jolı
[redaktorlaw | derekti redaktorlaw]E. Ótepbergenli 1944-jılı házirgi Bozataw rayonındaǵı Qarakemir kóliniń eteginde tuwılǵan. Ol 1960-jılı orta mektepti tamamlap, awılda jumısshı bolıp islegen, al 1966-jılı Samarqand mámleketlik universitetin pitkerip (1961-1966), Qaraqalpaq mámleketlik pedinstitutında oqıtıwshı bolıp isleydi. Bakudegi tilshilik institutında aspiranturada (1971-1973), M. V. Lomonosov atındaǵı Moskva mámleketlik universiteti qanigelikti asırıw kurslarında (1979, 1986) oqıǵan. Sońınan pedinstituttaǵı oqıtıwshılıq isin dawam etedi, 1966 jıldıń 1-sentyabrinen baslap házir de burınǵı T. G. Shevchenko atındaǵı Qaraqalpaq mámleketlik pedagogikalıq institutı, házirgi Berdaq atındaǵı Qaraqalpaq mámleketlik universiteti nemis tili hám ádebiyatı kafedrasında oqıtıwshı, 1981-1986 jılları universitet fakultetler ara shet tiller kafedrasın, 1995-1999 jıllarda nemis tili kafedrasın basqarǵan.
E. Ótepbergenli 1993-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Ilimiy dóretiwshiligi
[redaktorlaw | derekti redaktorlaw]1991 jıldıń 27- dekabrinde Baku qalasında M. F. Axundov atındaǵı Ázerbayjan pedagogikalıq rus tili hám ádebiyatı institutınıń D 054.07.01 Ilimiy Keńesinde 10.02.19-Til bilimleri teoriyası qánigeligi boyınsha dáslep professor N.G. Aǵazade, sońınan professor R.I. Mogilevskiy ilimiy basshılıǵında jazǵan «Leksiko-semanticheskaya struktura glagolov deystviya v nemeckom i karakalpakskom yazıkax» atlı temadaǵı kandidatlıq dissertaciyasın jaqlaǵan, filologiya ilimleri kandidatı, docent, «Lingvisticheskoe ponyatie valentnosti i rol ego osvoeniya v processe prepodavaniya nemeckogo yazıka v karakalpakskoy auditorii», NGU, Nukus, 1979, «Sopostavitelnıy analiz sochetaemosti perexodnıx glagolov nemeckogo i karakalpakskogo yazıkov», NGU, Nukus, 1980, «Leksiko-semanticheskaya struktura glagolov v raznosistemnıx yazıkax», «Bilim», Nukus, 1993 atlı ilimiy kitaplar, kóplegen ilimiy maqalalar avtorı.
Ádebiy dóretiwshiligi
[redaktorlaw | derekti redaktorlaw]Jazıwshınıń eki ret «Qumar» (1988,1993), «Táǵdirler» (1993), «Lala» (2008), «Aysha» (2009), «Laura» (2010) degen povest hám gúrrińler toplamı baspadan shıqtı.
Eń tuńǵısh shıǵarmaları bolmısh «Ádalatxan», «Góhiyxap», «Ana júregi» ápsanalarınıń, «Nazlı», «Sóngen ómir» «Aygúl», «Eles-eles balalıǵım menen delbe-delbe jaslıǵım meniń» povestleri, «Jaqınǵa xat», «Joytılǵan xat», «Ómirimizdiń qısqa hám uzın qıssası» hám jáne birqansha novellalar, gúrrińler avtorı. Onıń baspasózde dunya ádebiyatı juldızları A. Chexov, S. Cveyg, Ch. Aytmatov shıǵarmaları qatarında bahalanǵan ásirese «Qumar» povesti kóp jıllardan beri ilimiy izertlewler obyekti bolıp kiyatır.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0