Eski tártip
Eski tártip; jáne de Eski rejim (francuzsha Ancien Régime, Francuzsha aytılıwı: [ɑ̃sjɛ̃ ʁeʒim]) — Franciyada shama menen XVI ásirdıń aqırı — XVII ásirdıń baslarınan baslap Ullı francuz revolyuciyasına shekem bolǵan dáwirdegi siyasiy hám sociallıq-ekonomikalıq rejimdi xarakterlewshi publicistikalıq hám istoriografiyalıq termin. Francuz tariyxshısı P.Guberdıń jazıwınsha, «Eski tártip monarxiyası XVI ásirdıń ekinshi yarımında Franciyanı qulawǵa alıp kelgen puqaralar urıslarında tuwılǵan.»[1] Biraq, onıń ayırım belgileri onnan da aldın, XV-XVI ásirlerde payda bolǵan. Eski tártiptıń ózgeshelikleri Ullı francuz revolyuciyasın hám onıń xarakterın kóp tárepleme aldınnan belgilep bergen.