Kontentke ótiw

FeedBurner

Wikipedia — erkin enciklopediya

Feedburner, Inc. — bul veb-lentalardı basqarıw xızmeti bolıp, tiykarınan RSS lentalarına maqsetli reklamalardı kirgiziw arqalı olardı monetizaciyalawǵa (aqsha tabıwǵa) arnalǵan. Oǵan 2004-jılı tiykar salınǵan hám 2007-jılı Google tárepinen satıp alınǵan.

Xızmetleri

Shıǵarıwshılarǵa usınılatuǵın xızmetlerge trafik analizi[1] hám qosımsha  reklama sisteması kiredi. Dáslebinde reklamanıń RSS formatına qanshelli sáykes keliwi anıq bolmasa da[2], házirgi waqıtta avtorlar FeedBurner lentalarınıń úshten ekisine reklamanı kirgiziwdi tańlaydı[3]. Paydalanıwshılar óz lentalarına neshe adam jazılǵanın hám olardıń qaysı xızmet/baǵdarlama arqalı jazılǵanın bile aladı.

Feedburner ádettegi RSS lentasın ózgeris kirgizilgen lenta menen almastıradı; túpnusqadaǵı lenta jeke lentaǵa aylanadı, oǵan tek ǵana Feedburner kire aladı. Reklamadan tısqarı, járiyalanǵan lentalar bir neshe usıllar menen ózgertiledi, sonıń ishinde Digg hám del.icio.us-qa avtomat túrde siltemeler qoyıw hám bir neshe lentalardan informaciyanı «birlestiriw» kiredi[4]. FeedBurner dáslep basqa programmalıq támiynatlardıń onı menen óz-ara baylanısıwına imkaniyat beretuǵın qosımshalardıń programmalastırıw interfeyslerin (API) usınǵan, biraq 2012-jıldıń oktyabr ayınan baslap onı toqtattı. 2008-jıl 4-avgust jaǵdayına (statistika sońǵı ret járiyalanǵan waqıt), FeedBurner 1,125,264 shıǵarıwshı ushın 1,993,406 lentanı jaylastırǵan, sonıń ishinde 249,728 podkast hám videokast lentaları da bar[5][6].

Tariyxı

FeedBurnerge 2004-jılı Dik Kostolo, Erik Lunt, Stiv Olexovski hám Mett Shob tárepinen tiykar salınǵan. Tórtewi de Andersen Consultingte (házirgi Accenture) birge konsultant bolǵan.

2007-jıl 3-iyunda FeedBurnerdi Google kompaniyası, gáp-sózlerge qaraǵanda, 100 million dollarǵa satıp aldı[7]. Bir aydan soń, olardıń eki ataqlı «Pro» xızmeti (MyBrand hám TotalStats) barlıq paydalanıwshılar ushın biypul etildi[8].

2011-jıl 26-mayda Google kompaniyası FeedBurner API-leriniń eskirgenin járiyaladı[9]. Google API-lerdi 2012-jıl 20-oktyabrde toqtattı[10].

Google AdSense for Feeds xızmetin 2012-jıl 2-oktyabrde toqtatıp, 2012-jıl 3-dekabrde onı tolıq japtı[11].

2021-jıl 14-aprelde Google kompaniyası FeedBurnerdi jańa infrastrukturaǵa kóshiriwin, biraq elektron pochta jazılıwları, brauzerge qolaylı kórinis hám parol menen qorǵaw sıyaqlı «tiykarǵı emes» funkciyalardı alıp taslaytuǵının járiyaladı[12]. Bul dáslep 2021-jıldıń iyul ayına jobalastırılǵan edi, biraq tek 2022-jıldıń iyul ayında ámelge asırıldı[13].

Derekler

  1. ↑ «Mining For Data In Blogs». TechWeb (17-iyul 2006-jıl). 20-iyul 2006-jılda túp nusqadan arxivlendi. Qaraldı: 10-avgust 2006-jıl.
  2. ↑ «Advertisers Muscle Into RSS». Wired News (18-noyabr 2004-jıl). 24-iyul 2008-jılda túp nusqadan arxivlendi. Qaraldı: 10-avgust 2006-jıl.
  3. ↑ «FeedBurner buys BlogBeat, expanding blog analysis». Reuters (17-iyul 2006-jıl). Qaraldı: 10-avgust 2006-jıl.
  4. ↑ «The Feed Thickens». Flickr (14-iyul 2004-jıl). 4-iyun 2007-jılda túp nusqadan arxivlendi. Qaraldı: 10-avgust 2006-jıl.
  5. ↑ «FeedBurner». 19-sentyabr 2008-jılda túp nusqadan arxivlendi. Qaraldı: 19-sentyabr 2008-jıl.
  6. ↑ «About FeedBurner». FeedBurner.com. 14-fevral 2009-jılda túp nusqadan arxivlendi. Qaraldı: 14-fevral 2009-jıl.
  7. ↑ «Techcrunch confirms Google buyout of FeedBurner».
  8. ↑ «FreeBurner for Everyone». FeedBurner. — „Beginning today, two of FeedBurner's previously for-pay services, TotalStats and MyBrand, will be free.“. 16-fevral 2009-jılda túp nusqadan arxivlendi. Qaraldı: 27-oktyabr 2007-jıl.
  9. ↑ «Spring cleaning for some of our APIs». Google Code. — „These APIs are now deprecated but have no scheduled shutdown date: Code Search API, Diacritize API, Feedburner APIs, Finance API, Power Meter API, Sidewiki API, Wave API.“. Qaraldı: 27-may 2011-jıl.
  10. ↑ «FeedBurner API (Deprecated)». Google Inc.. — „Important: The Google Feedburner APIs have been officially deprecated as of May 26, 2011 will be shut down on October 20, 2012.“. 5-may 2012-jılda túp nusqadan arxivlendi. Qaraldı: 11-sentyabr 2012-jıl.
  11. ↑ "Continues: Google Kills AdSense For Feeds". TechCrunch. https://techcrunch.com/2012/09/28/the-feedburner-deathwatch-continues-google-kills-adsense-for-feeds/.
  12. ↑ «Upcoming changes to FeedBurner in July 2021 - Feedburner Help» (en). Feedburner Help. Qaraldı: 14-aprel 2021-jıl.
  13. ↑ «feedburner over the limit problem» (en). Feedburner Help Group (19-iyul 2022-jıl). Qaraldı: 4-avgust 2022-jıl.
«https://kaa.wikipedia.org/w/index.php?title=FeedBurner&oldid=138348» saytınan alınǵan