Gúlistan Dáwletova
Gúlistan Dáwletova Ótemisovna | |
---|---|
![]() | |
Tuwılǵan sáne | 20-noyabr 1959-jılı (65 jasta) |
Tuwılǵan jeri | Shaxaman awılı, Shımbay rayonı (házirgi Bozataw rayonı aymaǵı) |
Dóretiwshilik túri | poeziya |
Oqıǵan jeri | Nókis mámleketlik universiteti |
Ataqları | «Qaraqalpaqstan Respublikasına miyneti sińgen mádeniyat xızmetkeri» (2019) «Qaraqalpaqstan xalıq shayırı» (2025) |
Gúlistan Dáwletova Ótemisovna (Гүлистаң Дәўлетова Өтемисовна, 1959-jıl 20-noyabr) - shayır. «Qaraqalpaqstan xalıq shayırı» (2025).
Ómir hám miynet jolı
[redaktorlaw | derekti redaktorlaw]G. Dáwletova 1959-jılı 20-noyabrde Shımbay rayonınıń Shaxaman awılında tuwıldı.
Usı rayondaǵı Gagarin atındaǵı orta mektepti 1976-jılı tamamlap, awılda jumısshı bolıp isledi.
1983-jılı Nókis mámleketlik universitetinin roman-german filologiyası fakultetiniń anglichan tili, 1993-jılı universitettiń filologiya fakultetiniń qaraqalpaq tili hám ádebiyatı qánigeligin pitkergen.
Mektepte muǵallim, universitette assistant oqıtıwshı, Nókis qalalıq xalıq bilimlendiriw bólimi baslıǵı bolıp isledi.
G. Dáwletova 2006-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]G. Dáwletovanıń tuńǵısh qosıqları «Ámiwdárya» jurnalında, respublikalıq hám rayonlıq gazetalarda jarıq kórdi.
Onıń «Ájiniyaz poeziyasında dástúr hám jańashıllıq» (1997) monografiyası menen «Ájiniyaz poeziyasında ruwxıy derekler» (1998), «Ruwxıylıq-ádebiyat ólshemi» (1998), «Insan tárbiyası balalıqtan baslanadı» (1999) degen kitapshaları hám «Seniń dártiń menen jasayman, hayal» (2001) «Ayol ishqi», (2001) «Qız taxtım» (2009) qosıqlar toplamları jarıq kórgen.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0