Gúlnara Nurlepesova
| Gúlnara Nurlepesova | |
|---|---|
 | |
| Tuwılǵan sáne | 5-iyun 1961-jılı (64 jasta) |
| Tuwılǵan jeri | Qaraózek rayonı |
| Dóretiwshilik túri | poeziya |
| Oqıǵan jeri | Tashkent mámleketlik universiteti |
| Sıylıqları | Qaraqalpaqstan jaslar awqamı sıylıǵı (1994) «Doslıq» ordeni (2021) |
Gúlnara Nurlepesova (1961-jıl 5-iyun) — shayır hám jurnalist.
Ómir hám miynet jolı
[redaktorlaw | derekti redaktorlaw]G. Nurlepesova 1961-jılı 5-iyunda Qaraózek rayonında tuwılǵan[1].
Usı rayondaǵı I. Arzıwov atındaǵı orta mektepti tabıslı tamamlagannan soń Tashkent mámleketlik universitetiniń jurnalistika fakultetinde bilim aladı.
Óziniń dóretiwshilik miynet jolın «Jas Leninshi» (házirgi «Qaraqalpaqstan jasları») gazetasınan baslaydı. Dáslep arnawlı xabarshı, soń bólim baslıǵı (1980-1994) bolıp islegen. 1994-jılı usı gazetada hám baspasóz betlerinde járiyalanǵan publicistikalıq shıǵarmaları ushın Qaraqalpaqstan jaslar awqamı sıylıǵınıń laureatı boldı.
1994-98-jılları «Qaraqalpaqstan hawazı» gazetasında juwaplı xatker, bas redaktor orınbasarı, 1998-jıldan baslap respublika balaları hám jas óspirimleriniń «Jetkinshek» gazetasında bas redaktor, 2010-jıldan Nókis qalası hákiminiń orınbasarı, hayal-qızlar komitetiniń baslıǵı bolıp jumıs islep atır.
1999-2004-jılları hám 2005-2009-jılları Nókis qalalıq Keńesinin deputatı bolıp saylanǵan. 2021-jılı «Doslıq» ordeni menen sıylıqlandı[2].
G. Nurlepesova 2005-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Onıń «Qaylardasız, gúmis bulaqlar?!», «Hasla nashar demeń bizdi, aǵalar» atlı eki qosıqlar toplamı baspadan shıqtı[3].
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0
Derekler
[redaktorlaw | derekti redaktorlaw]- ↑ «Gulnora Nurlepesova (1961)» (uz). ziyouz.uz (3-iyul 2018-jıl). 4-fevral 2025-jılda túp nusqadan arxivlendi. Qaraldı: 4-fevral 2025-jıl.
- ↑ «Ой түбинен сөз тердим» (kaa). qqadebiyati.uz (4-avgust 2021-jıl). 4-fevral 2025-jılda túp nusqadan arxivlendi. Qaraldı: 4-fevral 2025-jıl.
- ↑ Tóreshova, Nábiyra «Кеўли дәрья шайыра» (kaa). qqadebiyati.uz (27-sentyabr 2021-jıl). 4-fevral 2025-jılda túp nusqadan arxivlendi. Qaraldı: 4-fevral 2025-jıl.